Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Солтүстік Кореяда температура үздіксіз жоғарылап барады

30 Ноября 2021 10:51

СЕУЛ. YONHAP-ҚазАқпарат – Солтүстік Кореяда ғаламдық жылыну салдарынан жылу толқындары мен тропикалық түндер қатары артуда. Сонымен қатар соңғы үш онжылдықта суық кезеңдер қысқарып жатыр. Бұл туралы YONHAP агенттігі мәлім етті, деп хабарлайды ҚазАқпарат.

Кореяның метеорологиялық басқармасының (KMA) деректеріне сай, Солтүстік Кореяда жылдық орташа температура Цельсий бойынша 0,4 градусқа көтерілген. 1991-2000 жылдары 1981-2010 жылдарға қарағанда ауа температурасы 8,9 градусқа жоғарылаған.

Агенттік Дүниежүзілік метеорологиялық ұйым деректерінің ғаламдық желілері арқылы Солтүстік Кореядағы 27 бақылау нүктесінен жинаған температура мен жауын-шашын туралы деректерді пайдаланды.

Деректерге сәйкес, жылдық орташа температура елдің солтүстік бөлігінде, атап айтқанда Оңтүстік Хамгён провинциясындағы Хамхунг және Оңтүстік Хванхэ провинциясындағы Хэджу қалаларында 0,5 ° C-тан 10,8 ° C және 11,9 ° С-қа дейін жоғарылап, үлкен айырмашылық көрсеткен.

Климаттың осылай өзгеруінен Солтүстік Корея орташа алғанда жылына төрт күн аптап ыстықты тіркеп отырған. Ол 33 ° C және одан жоғары температураны белгілейді. 30 жыл бұрын бұл көрсеткіш бір-екі күн ғана болған.

Тропикалық түндер жиілігі артты. Ол 25 ° C және одан жоғары ең төмен түнгі температурамен белгіленеді. Бұл көрсеткіш 0,5 күннен 1,1-ге дейін өсті.

Солтүстік Кореядағы жауын-шашын мөлшері 1991-2020 жылдар аралығында 7,7 миллиметрге азайды.



Ключевые слова: Әлем, Экология,
Наверх