Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

ШҚО-да үш күн ішінде мал ұрлығына қатысты 11 қылмыс ашылды

31 Июля 2021 05:34

ӨСКЕМЕН. ҚазАқпарат – Шығыс Қазақстан облысының полицейлері үш күн ішінде мал ұрлығына қатысты 11 қылмысты ашты, деп хабарлайды ҚазАқпарат тілшісі.

ШҚО Полиция департаменті баспасөз қызметінің мәліметіне сүйенсек, полиция қызметкерлері 27-29 шілде аралығында өңір аумағында «Барымта» жедел алдын алу шарасын өткізді. Мұндағы мақсат – мал ұрлығының алдын алу және қылмыскерлерді қолға түсіру.

«Шара барысында жедел-криминалдық, әкімшілік және жергілікті полиция қызметінен барлығы 500-ге жуық адам жұмылдырылды. Сонымен қатар ветеринарлық бақылау қызметінің 42 маманы тартылған. 3 күннің ішінде тәртіп сақшылары бұрын жасалған 11 қылмыстық істі ашты. Нәтижесінде, 24 бас мал табылып, иелеріне қайтарылды. Оның ішінде 11 жылқы, 9 ірі қара және 4 ұсақ мал бар. Иесіз жайылған 544 бас мал айыппұл тұрағына жеткізілген», - делінген хабарламада.

Бұдан бөлек, ҚР ӘҚБтК-нің 406-бабына (Қазақстан Республикасының ветеринария саласындағы заңнаманы бұзу) сәйкес, тиісті құжаттарсыз мал және ет өнімдерін тасымалдаған 16 адам анықталды.


Наверх