Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

Мейірім Нұрсұлтановтың ең үлкен жекпе-жегінің датасы ауысты

18 Января 2022 16:30

НҰР-СҰЛТАН. ҚазАқпарат – Орта салмақта жұдырықтасатын қазақстандық Мейірім Нұрсұлтанов (15-0, 8КО) пен ресейлік боксшы Андрей Сироткин (19-1-1, 7КО) арасындағы жекпе-жектің датасы ауысты. ҚазАқпарат бұл туралы ВКонтакте әлеуметтік желісіндегі «Қазақстанның кәсіпқой боксы» парақшасына сілтеме жасап хабарлайды.

Бұған дейін айқас 22 қаңтарға жоспарланған еді. Енді жекпе-жек 5 ақпан күні Ақтауда өтетін бокс кешінің басты оқиғасы болмақ. ⠀

Сироткин сәуір айындағы соңғы кездесуінде Ұлыбританияда жергілікті боксшы Дэнни Дигнуммен тең түскен еді. Ал Мейірім Нұрсұлтанов бұған дейін шаршы алаңға маусымда шығып, төрешілердің бірауызды шешімімен беларусь Дмитрий Атроховтан басым түсті. ⠀

Айта кетейік, қазақстандық боксшы – орта салмақтағы WBC (USNBC) чемпионы. Беделді BoxRec.com порталы Нұрсұлтановтың бұл жекпе-жегіне үш жұлдыз (ең көбі – бес жұлдыз бола алады) деген баға беріп отыр. Бұл Мейірімнің спорттық мансабындағы ең жоғары баға. Бұған дейінгі кездесулерінің бәрі екі жұлдыздан аспаған еді.


Ключевые слова: Бокс, Спорт, Қоғам,
Наверх