Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Металл конструкцияның астында қалған әйел: Сотқа дейінгі тергеу басталды

22 Октября 2021 22:45

НҰР-СҰЛТАН. ҚазАқпарат - Нұр-Сұлтан қаласында әйелдің төбесіне металл конструкция құлап, ол ауруханаға жатқызылды, деп хабарлайды ҚазАқпарат қалалық полиция департаментінің баспасөз қызметіне сілтеме жасап.

Осы орайда аталған оқыс оқиғаға қатысты соталды тергеу жұмысы басталды.

«22 қазан күні сағат 13:00 кезінде «102» желісіне Сығанақ көшесі бойындағы бизнес орталықтың шатырынан әйелдің төбесіне металл конструкция құлағаны туралы хабар келіп түсті. Анықталғандай, 56 жастағы әйелдің төбесіне қатты желдің әсерінен металл конструкция құлаған, салдарынан әйел жарақат алған», - делінген хабарламада.

Сондай-ақ, Есіл аудандық полиция басқармасы болған оқиғаға қатысты ҚР Қылмыстық кодексінің 306-бабына сәйкес сараптама жүргізіліп, соталды тергеу ісінің басталғанын хабарлады.

Бұған дейін елордада төбесіне металл конструкция құлап, салдарынан жарақат алып ауруханаға түскен әйелдің жағдайы туралы хабарлаған едік.


Автор Әли Ибраев
Ключевые слова: Нұр-Сұлтан, Оқиға,
Наверх