Погода
Астана 27 °С
Алматы 30 °С
Курс валют
USD 412.55
EUR 468.66
RUB 5.79
CNY 58.80

Қызылордада көл жағасында бас қосқан жеті жігіттің бірі суға кетті

14 Июля 2020 05:11

ҚЫЗЫЛОРДА. ҚазАқпарат - Қызылорда қаласында 26 жастағы жігіт суға батып кетті, деп хабарлайды ҚазАқпарат тілшісі.

Бұл жөнінде Қызылорда облыстық Төтенше жағдайлар департаменті өрт сөндіру және авариялық-құтқару жұмыстары қызметінен мәлім етті.

«Оқиға облыс орталығындағы «ПМК-29» саяжайы аумағындағы Қалғандария көлінде болды. Сол аумақта жеті жігіт бас қосқан. Олардың бірі шомылуға арналмаған аумақта суға түскен. Суға түсу кезінде 1994 жылы туған жігіт жағаға қайта жете алмаған»», - деді ведомстводан.

Оны іздестіруге облыстық Төтенше жағдайлар департаменті өрт сөндіру қызметі жедел-құтқару жасағынан 6 құтқарушы қайықпен және арнайы техникамен келді. Іздеу барысында марқұмның денесі оқиға орнынан шамамен 30 метрдей қашықтықтан 2 метр тереңдіктен табылды.

Жыл басынан бері Қызылорда облысында 17 адам суға кетті. Оның 7-еуі – бала.

Бұдан бұрын Сырдарияға батып кеткен қыз баланың денесі табылғанын жазған болатынбыз.

Наверх