Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Футболдан Қазақстан чемпионаты: «Қайрат» сырт алаңда «Ақтөбені» жеңді

16 Октября 2021 21:02

НҰР-СҰЛТАН. ҚазАқпарат - Бүгін футболдан Премьер-лига командалары арасындағы ел біріншілігінің 24-туры аяқталды, деп хабарлайды ҚазАқпарат тілшісі.

Аталған турдың алғашқы ойын күнінде төрт кездесу өткізілді.

Алматының «Қайраты» сырт алаңда «Ақтөбемен» шеберлік байқасты. Ойын барысында алматылық клуб сапынан 31-минутта Артур Шушеначев есеп ашса, 41-минутта Гүлжігіт Алықұлов есепті үстемелей түсті. Ал 73-минутта Нұрәлі Әліп автогол авторы атанды. Ойында «Қайрат» қарсыласын 2:1 есебімен тізе бүктірді.

Шымкенттің «Ордабасы» командасы өз алаңында «Атыраудан» 2:1 есебімен басым түсті. Алдымен атыраулық Аллеф Де Андраде Родригеш 47-минутта есеп ашса, одан кейін шымкенттік клубтан Сұлтанбек Астанов – 56, Абдуллай Диакате 73-минуттарда қос гол соғып кетті.

Тағы бір кездесуде Қарағандының «Шахтері» өз алаңында Ақтаудың «Каспийін» 1:0 есебімен сүріндірді. Кездесу тағдырын шешкен жалғыз голды 70-минутта Идрис Умаев өзінің еншісіне жазды.

Сондай-ақ, Оралда «Ақжайық» пен Түркістанның «Тұраны» 1:1 есебіне қанағат білдірді.

Екінші ойын күні 17 қазанда жалғасады. Бұл күні Талдықорғанның «Жетісуы» мен «Тараз», Петропавлдың «Қызылжары» мен Қостанайдың «Тобылы», елордалық «Астана» мен Қызылорданың «Қайсары» кездеседі.


Автор Әділжан Үмбет
Ключевые слова: Спорт, Футбол, Қоғам,
Наверх