Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Елордада Денис Теннің құрметіне мәнерлеп сырғанаудан халықаралық турнир өтеді

15 Октября 2021 16:02

НҰР-СҰЛТАН. ҚазАқпарат – Нұр-Сұлтан қаласында мәнерлеп сырғанаудан танымал спортшы болған Денис Теннің құрметіне халықаралық турнир өтеді. Бұл туралы ҚР Мәдениет және спорт министрі Ақтоты Райымқұлова мәлім етті, деп хабарлайды ҚазАқпарат тілшісі.

«Отандық спортта ел намысын қорғап, көк туымызды желбіретіп жүрген спортшылар баршылық. Соның бірі Денис Тен. Спортшы қысқа өмірінде әлемдік ареналарда Әнұранымызды ойнатып, туымызды желбіретіп үлгерді. Денис Теннің құрметіне орай спорт қауымдастарымен бірлесіп кең ауқымды шара өткізгелі отырмыз. Негізі өткен жылға жоспарлаған едік, пандемияның салдарынан кейінге шегеруге тура келді. Әрине Денис Теннің құрметіне бұған дейін де түрлі шаралар өтіп жатыр, бірақ олар әуесқой деңгейде», - деді Ақтоты Райымқұлова елордада өтіп жатқан ұлттық мектеп спорт лигасы барысында.

Министрдің айтуынша, «Denis Ten Memorial Challenge» атты мәнерлеп сырғанаудан халықаралық турнир осымен екінші рет ұйымдастырылып отыр. Және ол 28-31 қазан күндері елордадағы «Барыс Арена» спорттық кешенінде өтеді.

Айта кетсек, министрлік ұйытқы болған шараны Ұлттық Олимпиада комитеті мен Нұр-Сұлтан қаласының әкімдігі қолдап, «Денис Тен қоры» қоғамдық мекемесі ұйымдастырып отыр.

Сондай-ақ, халықаралық турнирге 20 мемлекеттен 100 спортшы қатысады деп күтілуде.


Автор Әли Ибраев
Ключевые слова: Нұр-Сұлтан, Мәдениет, Спорт,
Наверх