Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

Бу йил Қозоғистон кинолойиҳаларни молиялаштириш учун 4,4 миллиард тенге ажратди

23 Мая 2022 16:50

NUR-SULTAN. Kazinform – Жорий йилда маҳаллий кинолойиҳаларни давлат томонидан молиялаштириш ҳажми қарийб 4,4 миллиард тенгени ташкил этди. Бу ҳақда Миллий кинематографияни қўллаб-қувватлаш давлат маркази маълум қилди, деб хабар беради Kazinform мухбири.

Питчингда иштирок этиш учун аризаларни қабул қилиш 18 мартда бошланган ва 15 апрелда якунланган. Жорий йилда давлат томонидан ажратилган маблағ миқдори қарийб 4,4 миллиард тенгени ташкил этди.

Миллий кинематографияни қўллаб-қувватлаш маркази питчинг натижаларининг аниқ санасини айта олмади. Биринчидан, «Миллий кинематографияни қўллаб-қувватлаш давлат маркази» Миллий акциядорлик жамияти ҳузуридаги Экспертлар кенгаши томонидан давлат томонидан молиялаштириладиган кинолойиҳалар кўриб чиқилади. Сўнгра танлов натижаларига кўра сараланган лойиҳалар Идоралараро комиссияга юборилади ва у давлат томонидан қўллаб-қувватлаш учун ариза топширган филмларнинг якуний рўйхатини келишиб олинади. Шундан сўнг Қозоғистон Республикаси Маданият ва спорт ишлари вазирининг буйруғи чиқарилади, унда миллий филмлар ишлаб чиқаришнинг тематик режасига киритилган кинолойиҳалар рўйхати келтирилган.

Марказ маълумотларига кўра, сўнгги уч йилда миллий кинематографияни қўллаб-қувватлаш учун давлат томонидан 11 миллиард тенгедан ортиқ маблағ ажратилган. Натижада 48 та филм молиялаштирилди, шундан 20 таси бадиий, 12 таси ҳужжатли, 3 та анимацион ва 13 та дебют филмлардир.

Эслатиб ўтамиз, аввалроқ Қозоғистонда ёш киночиларни қўллаб-қувватловчи «Дебют» уюшмаси қайта ташкил этилиши ҳақида хабар бергандик.

Муаллиф: Арайлим Мурат


Наверх