Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

БҚО-да соңғы төрт тәулікте 260 адам коронавирус жұқтырған

23 Сентября 2021 14:01

ОРАЛ. ҚазАқпарат - Батыс Қазақстан облысында соңғы төрт тәулікте 260 адамнан коронавирус табылды, деп хабарлайды ҚазАқпарат тілшісі.

БҚО санитарлық-эпидемиологиялық бақылау департаментінің баспасөз қызметінен түскен мәліметке қарағанда, 19 қыркүйекте 67, 20-сында 39, 21-інде 55, 22-сінде 99 науқас анықталды.

Соның 173-інде ауру белгілері болса, 87-сі - симптомы жоқтар.

Ауырғандардың 147'-сі ЖРВИ белгілері бойынша, 73-і профилактикалық мақсатта тексерілген. 40-ы бұрын сырқаттанғандармен қарым-қатынаста болған.

Коронавирус жұқтырғандардың 121-і Орал қаласы, 38-і Бәйтерек, 30-ы Бөрлі ауданының үлесіне тиеді.

Оның алдындағы төрт күнде өңірде 352 адамнан індет табылған болатын.

Департамент мәліметіне қарағанда, пандемия басталғаннан бері 36 986 науқастың 29 232-сі жазылып шықты. 745 адам індеттен қайтыс болды.

Барлық науқастардың 18 600-і Оралда, 4877-сі Бәйтерек, 4510-ы Бөрлі, 1684-і Теректі ауданында тіркелген.

Еске сала кетейік, бұдан бұрын Батыс Қазақстанда егілуге тиісті тұрғындардың 60 пайыздан астамы вакцина алғанын, соңғы аптада коронавирус жұқтыру көрсеткіші 7,3 пайызға төмендегенін жазған болатынбыз.


Автор Елжан Ералы
Ключевые слова: Батыс Қазақстан облысы, Коронавирус,
Наверх