Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

Белгісіз біреу ҚТЖ ғимаратына бомба қойылғанын хабарлады

18 Мая 2022 20:48

НҰР-СҰЛТАН. ҚазАқпарат - Елордадағы «Қазақстан темір жолы» ұлттық компаниясының ғимаратына жарылғыш зат бар деген хабар келіп түсті, деп хабарлайды ҚазАқпарат тілшісі.

Бұл туралы аталған ведомствоның БАҚ-пен байланыс департаментінің директоры Қайсар Жұмабайұлы мәлім етті.

«Қазақстан темір жолының ғимаратына жарылғыш зат қойылған деген жасырын хабар келіп түсті. Ол туралы құзырлы органдарға хабарланды. Сондай-ақ, ғимарат ішіндегі қызметкерлер жедел эвакуацияланды»,- дейді Қайсар Жұмабайұлы.

Одан бөлек, ҚТЖ өкілі қосымша ақпарат үшін құзырлы органдарға хабарласу керектігін айтты.

Еске сала кетсек, бұған дейін Нұр-Сұлтан қаласында жарылғыш зат туралы ақпаратқа байланысты сауда орталығынан адамдар эвакуацияланған еді.

Кейін Ішкі істер министрлгі жарылғыш зат қойылғаны туралы хабарлама бірнеше қаладан келіп түскенін хабарлады.


Автор Әли Ибраев
Ключевые слова: ҚТЖ, Оқиға, Нұр-Сұлтан,
Наверх