Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Бельгиядағы су тасқынынан келтірілген залал 10 млрд еуродан асады

22 Июля 2021 15:24

БРЮССЕЛЬ. ҚазАқпарат – 14-16 шілдеде Бельгияда соңғы 100 жылда болған ең ауыр су тасқынынан келтірілген залал, алдын ала бағалаулар бойынша, 10 млрд еуродан асады, деп хабарлайды ҚазАқпарат RTL-TVI телеарнасына сілтеме жасап.

«Су тасқынынан алдын ала келтірілген залалды Валлония (Бельгияның оңтүстік франктілді аймағы) үкіметі бағалайды, ол қазірдің өзінде 10 миллиард еуродан асады», - деп атап өтті телеарна.

Аптаның басында Валлония үкіметі аймақты қалпына келтіруге 2 миллиард еуро көлеміндегі көмек көрсету шұғыл жоспарын құру туралы жариялады. Бұл жоспар үшін 800 млн еуро коронавирус пандемиясынан кейін аймақты қалпына келтіруге бағытталған Валлония экономикасын қолдаудың басқа жоспарынан аударылатын болады. Сондай-ақ, аймақ үкіметі Еуроодақтан қосымша көмек күтетінін мәлімдеді.

Бейсенбі күні таңертеңгі ресми мәліметтер бойынша, Бельгиядағы нөсер жаңбыр салдарынан болған су тасқынынан 32 адам көз жұмған, олардың барлығы анықталды, ал 18-і хабар-ошарсыз кеткен. Он мыңнан астам үй қирап, бүлінген, осы уақытқа дейін 1,5 мыңға жуық үй сусыз, 10,5 мың үй электр жарығынсыз және 10 мың үй газсыз қалды.


Автор Аяулым Алтынбек
Ключевые слова: Әлем, Су тасқыны,
Наверх