Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Әйелін өлтіріп, мәйітін құдыққа тастаған: Қостанайда ер адам сотталды

26 Июля 2021 16:53

ҚОСТАНАЙ. ҚазАқпарат - Қостанайда отбасылық жанжал кезінде әйелін өлтірген ер адамға үкім шықты, деп хабарлайды ҚазАқпарат Қостанай облыстық сотының баспасөз қызметіне сілтеме жасап.

Қостанай облысының қылмыстық істер жөніндегі мамандандырылған ауданаралық сотының үкімімен жұбайын өлтіргені үшін Қостанай облысы Әулиекөл ауданының тұрғыны М. сотталды.

«2021 жылғы 6 наурызда М. Әулиекөл ауданы Лаврентьевка кентінде болған жанжал барысында ол әйелін басына таққан орамалымен қылқындырып өлтірген. Қылмыстың ізін жасыру және қылмыстық жауапкершіліктен құтылу мақсатында М. әйелінің мәйітін ескі құдыққа лақтырған» деп хабарлады облыстық сот.

М. кінәсі оның мойындауымен, сондай-ақ қылмыстық іс материалдарымен, оның ішінде сот сараптамасының қорытындысымен дәлелденді.

«М-ның бірінші рет сотталып отырғанын, кінәсін мойындағанын, жасаған ісіне шын жүректен өкінетінін, кінәні ауырлататын мән-жайлардың жоғын ескере отырып, сот оған ең жоғары қауіпсіздік қылмыстық-атқару жүйесі мекемесінде 10 жыл бас бостандығынан айыру жазасын тағайындады. Жәбірленуші тарапқа моральдық зиянды өтеу есебінен 5 млн теңге және 500 мың теңге өкілдік шығыстар өндіріп алынды», - деп қорытындылады сотта.

Үкім заңды күшіне енген жоқ.


Ключевые слова: Оқиға, Қостанай облысы, Заң, Сот,
Наверх