Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Атырауда коронавируспен ауырған 80 науқас жансақтау бөлімінде жатыр

5 Августа 2021 15:46

АТЫРАУ. ҚазАқпарат – Атырауда коронавирус инфекциясымен ауырған 80 науқас жансақтау бөлімінде жатыр. Оның ішінде 8 пациент өкпені жасанды желдету аппаратына қосылған, деп хабарлайды ҚазАқпарат.

Атырау облыстық денсаулық сақтау басқармасының баспасөз қызметі таратқан ақпаратқа қарағанда, өңірдегі инфекциялық стационарларда қауіпті вирусқа шалдыққан 1 700 науқас оқшауланған.

«Инфекциялық стационарларда 3 012 төсек-орын бар. Қазір стационарлардағы жүктеме 56,4%-ды құрап отыр. Ал, стационарлардың 114 орынға есептелген жансақтау бөлімінде 80 науқас ем-дом қабылдауда. Оның ішінде 8 пациент өкпені жасанды желдету аппаратына қосылған. Бұл бөлімдегі жүктеме 70%-ға жетті», -деп мәлім етті басқарманың баспасөз қызметінен.

Еске сала кетелік, бұған дейін Атырау стационарларының жансақтау бөліміндегі жүктеме 70 пайыздан асқанын хабарлаған болатынбыз.


Автор Бек Мұстафа
Ключевые слова: Атырау облысы, Медицина, Коронавирус, Қоғам,
Наверх