Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Атырауда 4 мыңнан астам жаяу жүргінші жазаланды

29 Июля 2021 00:20

АТЫРАУ. ҚазАқпарат – Атырауда жолдың белгіленбеген тұсынан өткен 4 мыңнан астам жаяу жүргінші әкімшілік жауапқа тартылды, деп хабарлайды ҚазАқпарат.

Облыстық полиция департаменті баспасөз қызметінің мәліметінше, Атырау қаласында жыл басынан бері жаяу жүргіншілерге арналған өткелін көре тұра одан тыс жерден өткен 4000-ға жуық адам анықталған.

«Жолда жүру ережесін бұзған жаяу жүргіншілерге ҚР Әкімшілік құқықбұзушылық туралы Кодексінің 615-бабымен (Жаяу жүргіншілерге арналған өткелін көре тұра тыс жерден өткені үшін) әкімшілік хаттама толтырылып, әрқайсысына 5 834 теңге айыппұл

салынды. Ал жаяу жүргіншілерге жол бермеген 731 көлік жүргізушінің әрқайсысы аталған кодекстің 600-бабымен (Жаяу жургіншілерге арналған өткелінен жаяу жүргіншілерге жол

бермеу) 29 170 теңге көлемінде айыппұл төледі. Жыл басынан бері жол бойында жаяу жүргіншінің салдарынан 33 жол-көлік оқиғасы болды. 3 адам қаза тауып, 30 адам әр түрлі дене жарақатын алды», -дейді облыстық полиция департаментінің бастығы, полиция полковнигі Қамза Үмбетқалиев.

Оның мәліметінше, 10 адам жолды жаяу жүргіншілерге​ арналмаған жерден өткен кезде жарақта алған.

Еске сала кетелік, бұған дейін Атырауда автобус қаққан жаяу жүргінші көз жұмғандығын хабарлаған болатынбыз.


Автор Бек Мұстафа
Ключевые слова: Атырау облысы, Көлік, Қоғам, ҚР ІІМ,
Наверх