Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

اتىراۋ تۇرعىنى قىمبات كولىكتەردى جالعا الىپ، كەيىن ساتىپ وتىرعان

26 Мая 2022 08:10

اتىراۋ. قازاقپارات - اتىراۋ تۇرعىنى بىرنەشە قىمبات كولىكتى جالعا الىپ، كەيىن ساتىپ جىبەرگەن، دەپ حابارلايدى قازاقپارات.

وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، وسى دەرەككە بايلانىستى 29 جاستاعى جىگىت ۇستالعان.

«اتىراۋ قالاسىندا تۇراتىن 1993 -جىلى تۋعان ازامات 2020 -جىلدىڭ قاڭتارىنان بەرى بىرنەشە ادامنان كەلىسىمشارت نەگىزىندە اۆتوكولىكتەردى ارەنداعا العان. كەيىن جالعا العان قىمبات اۆتوكولىكتەردى ساتىپ جىبەرگەن. قازىر 29 جاستاعى جىگىت الاياقتىق جاسادى دەگەن كۇدىكپەن ۇستالدى. اتالعان دەرەككە قاتىستى اتىراۋ قالالىق پوليتسيا باسقارماسى ق ر قىلمىستىق كودەكسىنىڭ 190-بابى 4-بولىگىمەن سوتقا دەيىنگى تەرگەپ- تەكسەرۋ امالدارىن باستادى»، - دەپ حابارلادى دەپارتامەنتتىڭ باسپا ءسوز قىزمەتىنەن.

بەلگىلى بولعانداي، كۇدىكتىگە قاتىستى 13 قىلمىستىق ءىس تەرگەلىپ جاتىر. باستاپقىدا جابىرلەنۋشىلەردىڭ 13 كولىگى تابىلعان. پوليتسيا قىزمەتكەرلەرى كەيىن تاعى ەكى كولىكتى انىقتاي الدى.

«قازىر كۇدىكتى س. م.-نىڭ ءىس-ارەكەتىنەن زارداپ شەككەن ادامداردى ىزدەستىرىپ جاتىرمىز. جابىرلەنۋشىلەردەن اتىراۋ وبلىستىق پوليتسيا دەپارتامەنتىنىڭ تەرگەۋ باسقارماسىنا نەمەسە 102 تەلەفونىنا حابارلاسۋدى سۇرايمىز»، - دەدى ۆەدومستۆودان.

اۆتور: بەك مۇستافا

Ключевые слова: قوعام,
Наверх