Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

ۋكراينانىڭ بىرنەشە وبلىسىندا شايقاس ۇدەپ بارادى

23 Мая 2022 08:56

نۇر- سۇلتان. قازاقپارات - ەل اۋماعىندا قاقتىعىستار توقتاعان جوق. ماريۋپولدەگى ەۆاكۋاتسيادان بولەك ەلدىڭ وزگە وڭىرلەرىندە اتىس شابىس تولاستاعان ەمەس. جۋىردا رەسەي اسكەرى حاركوۆ وبلىسىنا شابۋىل جاسادى، دەپ حابارلايدى «حابار 24».

ۋكراينا پرەزيدەنتىنىڭ ايتۋىنشا، لوزوۆايا قالاسىنداعى مادەنيەت ءۇيىنىڭ تاس- تالقانى شىقتى. ودەسسا، جيتومير، پولتاۆا وبلىستارىنداعى شايقاس تا ۇدەپ بارادى.

ۆلاديمير زەلەنسكي ۋكراينا پرەزيدەنتى - باسقىنشىلار ودەسسا، پولتاۆا مەن جيتومير وبلىستارىن بومبىلاپ جاتىر. رۋبەجنوە مەن ۆولنوۆاحانىڭ كۇيى ماريۋپولدەگىدەي وتە اۋىر. ولار سولتۇستىك دونەتسك پەن وزگە دە شاھارلاردىڭ ساۋ جەرىن قالدىرماۋدى كوزدەپ وتىر. بۇل اسكەري قىلمىس قاتاڭ جازالانۋ كەرەك.

تاياۋدا ۆلاديمير زەلەنسكي رەسەي وزدەرى اتاعانداي ۋكرايناعا قارسى اسكەري وپەراتسياسىن باستاعان كەزدە كوپ قاتەلىككە ۇرىندى دەپ مالىمدەدى. ايتۋىنشا، رەسەي باسشىلىعى باستاپقىدا كاسىبي ەمەس ساربازداردى مايدانعا اتتاندىرىپ، كوپ جاۋىنگەرىنەن ايىرىلعان. ازاماتتىق نىسانداردى اتقىلاعان زىمىراندارى دا تاۋسىلۋعا جاقىن. ەندى لازەرلى قارۋ قولدانۋعا كوشتى دەيدى.

سوڭعى مالىمەتكە قاراعاندا ۋكراينا كۇشتەرى حاركوۆ وبلىسىنداعى دەمەنتيەۆكا اۋىلىن ازات ەتكەن. رەسەي تاراپى بولسا ۋكراينانىڭ ونداعان اسكەري نىسانىنا سوققى بەرىپ، بىرنەشە باسقارۋ ورتالىعىن تالقانداعانىن ايتادى. ال رەسەي پرەزيدەنتىنىڭ كومەكشىسى ۆلاديمير مەدينسكيي ۋكراينا باسشىلىعىنىڭ بيلىگى شەكتەۋلى دەدى. سەبەبى كيەۆتىڭ ءتۇرلى شەشىم قابىلداۋىنا باتىس ەلدەرى ارالاسىپ وتىر. بۇل كيەۆ باتىس ەلدەرىنىڭ زور ىقپالىندا ەكەنىن كورسەتەدى، - دەيدى.

رەسەي اسكەرى حاركوۆتان شەگىنگەننەن كەيىن شاھاردى قالپىنا كەلتىرۋ جۇمىستارى باستالدى. ايماق باسشىسى يگور تەرەحوۆتىڭ ايتۋىنشا، اتىس- شابىستىڭ سالدارىنان تۇرعىن ۇيلەردىڭ 30 پروتسەنتى جەرمەن جەكسەن بولعان. قازىر ينفراقۇرىلىمدى قالپىنا كەلتىرۋ ءۇشىن وڭىرگە قۇرىلىسشىلار مەن ارنايى تەحنيكا تارتىلدى. ماماندار اپاتتى عيماراتتاردى جوندەۋگە كىرىستى. قالا مەرى جاڭا قۇرىلىستى باستاعاندا بارلىق مەكتەپتەر مەن بالاباقشالاردا، تۇرعىن ۇيلەردە مىندەتتى تۇردە بومبادان قورعاناتىن ارنايى جەرتولە سالىناتىنىن ەسكەرتتى.

Ключевые слова: الةم,
Наверх