Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

جاڭادان سالىنىپ جاتقان تالدىقورعان- ءۇشارال جولىن سۋ شايىپ كەتتى

22 Мая 2022 19:37

تالدىقورعان. قازاقپارات - قاتتى جاۋعان جاڭبىردان كەيىن اعىندى سۋ جاڭادان سالىنىپ جاتقان تالدىقورعان- ءۇشارال جولىن شايىپ كەتتى، دەپ حابارلايدى قازاقپارات ءتىلشىسى.

الەۋمەتتىك جەلىدە جولدىڭ قاق ورتاسىنان ءبولىنىپ، ەكى جاعىندا اۆتوكولىكتەر تۇرعان ۆيدەولار تاراپ جاتىر.

«جىگىتتەر، سارقانعا بارار جول ەكىگە ءبولىنىپ قالدى، مىناۋ دەگەن ماسقارا؟ ! جاڭادان سالىنعان جول»، - دەيدى بەينەجازبا اۆتورى.

وقيعا سارقان اۋدانىنا جەتپەي، اقسۋ اۋدانىنداعى جانسۇگىروۆ اۋىلىنان كەيىنگى ەڭبەك اۋىلىنىڭ ماڭىندا بولعان. اقسۋ اۋدانى اكىمىنىڭ باسپا ءسوز قىزمەتى اقپاراتتى راستادى.

«22-مامىر كۇنى ساعات 16:45-تە حابارلاما ءتۇستى. الماتى- وسكەمەن رەسپۋبليكالىق ماڭىزى بار جولدىڭ 395-شاقىرىمىنداعى ەڭبەك اۋىلىنىڭ تۇسىندا قالىڭ جاۋىن- شاشىن سۋى كوپىردى شايىپ كەتكەن. قۇبىر ءتارىزدى كوپىردىڭ ديامەترى - 3,5 م، تەرەڭدىگى - 3 مەتر. ماتاي- لەپسى اۋىلدارى ارقىلى اينالما جول بار»، - دەلىنگەن اقسۋ اۋدانى اكىمى باسپا ءسوز قىزمەتىنىڭ حابارلاماسىندا.


Ключевые слова: ايماق,
Наверх