Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

شىمكەنتتە ءبىر ءۇيدىڭ ءۇش بالاسى كولىك ىشىندە تۇنشىعىپ قالدى

22 Мая 2022 09:30

شىمكەنت. قازاقپارات - قاراتاۋ اۋدانىندا ءبىر ءۇيدىڭ ءۇش بالاسى كولىكتىڭ جۇك سالاتىن بولىگىنە كىرىپ، شىعا الماي قالعان. ەكەۋى وقيعا ورنىندا كوز جۇمدى.

ءۇشىنشىسى اۋرۋحاناعا جەتكىزىلگەنىمەن، امان الىپ قالۋ مۇمكىن بولمادى، دەپ حابارلايدى قازاقپارات ءتىلشىسى.

«19-مامىردا قاراتاۋ اۋداندىق پوليتسيا باسقارماسىنىڭ 102 پۋلتىنە ءۇش كىشكەنتاي بالانىڭ اۆتوكولىكتىڭ جۇك سالعىشىندا تۇنشىققانى تۋرالى حابارلاما كەلىپ ءتۇستى. وقيعا ورنىنا بىردەن پوليتسيا قىزمەتكەرلەرى شىقتى. انىقتالعانىنداي، اتا- اناسى ۇيدە بولماعان. بالالار جۇك سالعىشقا كىرىپ، قاقپاعىن جاۋىپ الادى. سودان كەيىن قايتا شىعا الماي تۇنشىعىپ قالىپتى. ەكەۋى وقيعا ورنىندا قايتىس بولدى، ال ءۇشىنشى بالا بۇگىن رەانيماتسيادا كوز جۇمدى»، - دەپ حابارلادى شىمكەنت قالاسى پوليسيا دەپارتامەنتىنىڭ باسپا ءسوز قىزمەتى.

كورشىلەرىنىڭ ايتۋىنشا، كولىك ەسكىرىپ، اۋلادا تۇرعان. اعايىندى ۇشەۋدىڭ ەكەۋى - ۇل، بىرەۋى - قىز. ەكى بالا مەكتەپ جاسىندا بولعان.

پ د باسپا ءسوز قىزمەتى اتالعان جايت بويىنشا سوتقا دەيىنگى تەرگەۋ امالدارى باستالعانىن ءمالىم ەتتى. وقيعانىڭ بارلىق ءمان- جايلارى انىقتالادى.

اۆتور اينۇر اقبايەۆا

Ключевые слова: ايماق,
Наверх