Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

عالىمدار كوز اۋرۋىن ەمدەۋدىڭ جاڭا ءادىسىن تاپتى

18 Мая 2022 19:45

نۇر-سۇلتان. قازاقپارات - عالىمداردىڭ ايتۋىنشا، جاڭا ەمدەۋ حيرۋرگيالىق وتانىڭ ورنىنا كوزدى ءدارى-دارمەكپەن ەمدەۋگە جول اشادى.




Ғалымдар көз ауруын емдеудің жаңа әдісін тапты

بۇل تۋرالى Daily Mail جازدى.

كاتاراكتا - بۇل دۇنيە جۇزىندەگى ميلليونداعان ادامنىڭ كورۋىن ناشارلاتىپ، سوقىرلىعىن تۋدىراتىن كوزدىڭ قابىرشىعىنداعى داقتار. جاسقا بايلانىستى جاعدايدى ەمدەۋدىڭ قازىرگى نۇسقالارى تەك زاقىمدالعان لينزانى الىپ تاستاۋ جانە وتا عانا.

تەراپيالىق مۇمكىندىكتەردى كەڭەيتۋگە ۇمىتتەنگەن راسكين ۋنيۆەرسيتەتىنىڭ زەرتتەۋشىلەرى تىشقانداردا كاتاراكتاعا قارسى پرەپاراتتى سىناعان. عالىمدار پرەپاراتتى قابىلداعان كەمىرگىشتەردىڭ كورۋ قابىلەتى جاقسارعانىن، ولاردىڭ جارتىسىنا جۋىعىندا (46 پايىزى) كوزدىڭ بۇلدىراعانى ازايعانىن ايتتى.

كاتاراكتا لينزاداعى بەلوكتاردىڭ ۇيىمداسپاۋى ناتيجەسىندە پايدا بولادى. بۇل جارىقتى شاشىراتىپ، كوز تورىنا ءوتۋدى ايتارلىقتاي تومەندەتەتىن اقۋىز شوعىرلارىنىڭ پايدا بولۋىنا اكەلەدى.

عالىمدار كاتاراكتا بار تىشقانداردى VP1-001 دەپ اتالاتىن حيميالىق قوسىلىسپەن كوزگە تامىزاتىن دارىلەر ارقىلى ەمدەگەن. بۇلاي ەمدەۋ لينزانىڭ اقۋىزدىق قۇرىلىمىن قالپىنا كەلتىرگەنىن كورسەتتى.

«الەمدە وسىنداي العاشقى زەرتتەۋ جاسالىپ وتىر. ناتيجە كاتاراكتانىڭ بارلىق تۇرلەرىندە بولعان جوق، ءبىراق وسى ناتيجە دە كاتاراكتانىڭ ارنايى ەمى جاسالعان بولۋى مۇمكىن ەكەنىن كورسەتەدى. بۇل وتە كەڭ تارالعان اۋرۋدى وتادان گورى ءدارى-دارمەكپەن ەمدەۋدەگى العا جاسالعان ماڭىزدى قادام»، - دەيدى پروفەسسور باربارا پيرشيونەك.

تەك انگليادا جىل سايىن 330000 عا جۋىق كاتاراكتاعا وتا جاسالادى. ال امەريكالىقتاردىڭ 70 پايىزىندا 75-80 جاستا كاتاراكتا پايدا بولادى.

بۇعان دەيىن عالىمدار الەمدە العاش رەت كورۋ پروبلەمالارىن، اتاپ ايتقاندا سوقىرلىقتى ەمدەۋ ءۇشىن CRISPR گەندىك وڭدەۋ تەحنولوگياسىن قولداندى. تاجىريبە ءساتتى اياقتالدى.

Ключевые слова: قوعام,
Наверх