Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

ماۋسىمدا پاريج قالاسىندا ەۋروپا قازاقتارىنىڭ قۇرىلتايى وتەدى

17 Мая 2022 22:22

نۇر-سۇلتان. قازاقپارات - 4-5 - ماۋسىمدا فرانسيانىڭ پاريج قالاسىندا ەۋروپا قازاقتارىنىڭ كەزدەسۋ-قۇرىلتايى وتەدى، دەپ حابارلايدى قازاقپارات.

قۇرىلتاي ەۋروپا قۇرىلىعىنداعى باۋىرلارمەن باس قوسۋ، ورتاق ماسەلەلەر بويىنشا پىكىر الماسۋ، وي ءبولىسۋ، كەلەلى كەڭەس قۇرۋ ماقساتىندا ۇيىمداستىرىلىپ وتىر.

اتالمىش باسقوسۋ اياسىندا مىناداي ءىس-شارالار جوسپارلانعان:

- ەۋروپا ەلدەرى (فرانسيا، گەرمانيا، شۆەتسيا، تۇركيا، گوللانديا، نورۆەگيا، ۇلى بريتانيا، اۆستريا) مەن قازاقستاندىق كوماندالار اراسىندا فۋتبول تۋرنيرى؛

- قولدانبالى ونەر بۇيىمدارىنىڭ كورمەسى جانە ۇلتتىق كيىم تىگۋدەن شەبەرلىك ساعاتى؛

- ءداستۇرلى ويىندار سايىسى؛

- ءابدىۋاقاپ قارانىڭ مۇستافا شوقايدىڭ فرانسۋز تىلىندەگى تاڭداۋلى ماقالالارى كىتابىنىڭ تۇساۋكەسەرى؛

- شەتەلدە تۇراتىن ونەر شەبەرلەرىنىڭ كونسەرتى وتەدى.

سونىمەن قاتار ەۋروپا ەلدەرىندەگى قازاق مادەني بىرلەستىكتەرىنىڭ جەتەكشىلەرىمەن كەزدەسۋ ۇيىمداستىرىلادى.

جيىن بارىسىندا ەۋروپا قازاقتارى بىرلەستىگى جاڭا باسشىلىعىن جانە الداعى جۇمىس جوسپارىن بەلگىلەيدى.

كەزدەسۋگە قازاقستان رەسپۋبليكاسىنىڭ فرانسۋز رەسپۋبليكاسىنداعى جانە موناكو كنيازدىگىندەگى توتەنشە جانە وكىلەتتى ەلشىسى جان گاليەۆ، فرانسياداعى قازاق ۇلتتىق مادەني قوعامى ءتوراعاسى ءنازىر ەسىمحان، ەۋروپا ەلدەرىندەگى قازاق قاۋىمداستىقتارىنىڭ جەتەكشىلەرى، «وتانداستار قورى» پرەزيدەنتى ابزال ساپاربەك ۇلى مەن ەۋروپا قازاقتارى قاتىسادى.

Ключевые слова: شەتەل قازاقتارى , وتانداستار,
Наверх