Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

الاش پارتياسىنىڭ قىرعىزستانداعى قىزمەتى تۋرالى مونوگرافيا جارىققا شىقتى

3 Декабря 2021 21:31

الماتى. قازاقپارات - الماتىدا ق ر مەملەكەتتىك حاتشىسى قىرىمبەك كوشەربايەۆ پەن قىرعىز رەسپۋبليكاسىنىڭ مەملەكەتتىك حاتشىسى سۇيۇنبەك كاسمامبەتوۆتىڭ قاتىسۋىمەن وتكەن «قازاق-قىرعىز - الاشتان» اتتى حالىقارالىق عىلىمي-پراكتيكالىق كونفەرەنسيا اياسىندا حالىقارالىق تۇركى اكادەمياسى جارىققا شىعارعان ءبىرقاتار ەڭبەكتەردىڭ تۇساۋكەسەر ءراسىمى ءوتتى، دەپ حابارلايدى قازاقپارات ءتىلشىسى.

بەلگىلى مەملەكەت جانە قوعام قايراتكەرى، تانىمال عالىم زاينيدين كۋرمانوۆتىڭ «كىرگىزسكي فيليال پارتي «الاش»: سوزدانيە، دەياتەلنوست، سۋدبا» اتتى كىتابى الاشتانۋ سالاسىندا جاڭالىعى مول ەڭبەك سانالادى.

حالىقارالىق تۇركى اكادەمياسى جارىققا شىعارعان ىرگەلى ەڭبەكتە اۆتور تاريحي قۇجاتتار ارقىلى الاش پارتياسىنىڭ قىرعىزستانداعى قىزمەتىن جان-جاقتى زەردەلەپ، وعان باسشىلىق جاساعان تۇلعالاردىڭ توڭكەرىستەن كەيىنگى تاعدىرى تۋرالى باياندايدى.

مونوگرافياعا الاش قايراتكەرلەرىنىڭ مۇراتقا جەتۋ جولىنداعى تاباندى كۇرەسى ارقاۋ بولعان. سونىمەن قاتار، قىرعىز-الاش قايراتكەرى، اعارتۋشى عالىم، اقىن قاسىم تىنىستانوۆتىڭ 1925-جىلى قازاق جانە قىرعىز تىلدەرىندە جارىق كورگەن «قاسىم جىرلارى» كىتابى حالىقارالىق تۇركى اكادەمياسى تاراپىنان تۇرىك تىلىنە تولىق اۋدارىلىپ، فاكسيميلەسىمەن قوسا اكادەميالىق جيناق رەتىندە جاريانىپ وتىر.




بىرەگەي باسىلىمداعى جىرلار قىرعىزشا لاتىن الىپبيىندە جانە تۇرىكشە اۋدارماسىمەن قاتارلاستىرا بەرىلگەن.

تاريحي باسىلىمدى باسپاعا ازىرلەۋگە سابىربەك بورۋبايەۆ اتسالىستى. نەبارى 37 جىلدىق عۇمىرىندا وشپەس مول مۇرا قالدىرعان قاسىم تىنىستانوۆ - قىرعىز ءالىپبيىنىڭ باستاۋىندا تۇرعان، ءتىل بىلىمىنە ولشەۋسىز ۇلەس قوسقان تۇلعا.

ايتا كەتەيىك، الماتىدا «قازاق-قىرعىز - الاشتان» اتتى حالىقارالىق عىلىمي-پراكتيكالىق كونفەرەنسيا ءوتىپ جاتىر.


Ключевые слова: بيلئك جانة ساياسات,
Наверх