Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

ورالدا پوليتسيا قىزمەتكەرى پوليتسيا عيماراتىندا اتىلىپ ءولدى

3 Декабря 2021 15:04

ورال. قازاقپارات - ورالدا پوليتسيا قىزمەتكەرى پوليتسيا عيماراتىندا اتىلىپ ءولدى، دەپ حابارلايدى قازاقپارات ءتىلشىسى.

ب ق و پوليتسيا دەپارتامەنتى باسپا ءسوز قىزمەتىنەن تۇسكەن مالىمەتكە قاراعاندا، وقيعا بۇگىن ساعات شامامەن 07.40-تا ورال قالاسى پوليتسيا باسقارماسىنىڭ عيماراتىندا بولدى. عيماراتتى كۇزەتۋ توبىندا قىزمەت اتقارعان 20 جاستاعى پوليتسيا كىشى سەرجانتى بەكىتىلگەن تابەلدىك قارۋدان ءوزىن- ءوزى اتىپ ءولتىردى.

اتالعان پوليتسەي ىشكى ىستەر ورگاندارىندا بيىلعى مامىردان بەرى قىزمەت اتقارعان. 2019 -جىلدىڭ ماۋسىمىنان 2020 -جىلدىڭ وسى ايىنا دەيىن اسكەري بورىشىن وتەگەن. قىزمەت اتقارعان كەزىندە ءوزىن جاقسى قىرىنان كورسەتكەن. اتالعان دەرەك بويىنشا سوتقا دەيىنگى تەرگەۋ امالدارى جۇرگىزىلۋدە. سونىمەن قاتار وقيعانىڭ ءمان- جايىن تولىق انىقتاۋ ءۇشىن قىزمەتتىك تەكسەرۋ باستالدى.

اۆتور: ەلجان ەرالى

Ключевые слова: ايماق,
Наверх