Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

قازاقپارات ەلباسى مۋزەيى تۋرالى دەرەكتى فيلم ءتۇسىردى

1 Декабря 2021 12:19

نۇر- سۇلتان. قازاقپارات - «قازاقپارات» حالىقارالىق اقپارات اگەنتتىگى وقىرمان نازارىنا ق ر تۇڭعىش پرەزيدەنتى - ەلباسى مۋزەيى تۋرالى ەكى تىلدە تۇسىرىلگەن فيلمدى وقىرمان نازارىنا ۇسىنادى.

بۇل فيلم ق ر تۇڭعىش پرەزيدەنتى كۇنىنە وراي تۇسىرىلگەن، دەپ حابارلايدى قازاقپارات ءتىلشىسى.

وتكەن جىلى ەسىلدىڭ سول جاعالاۋىندا تۇڭعىش پرەزيدەنت مۋزەيىنىڭ جاڭا عيماراتى اشىلعان بولاتىن. بۇگىنگى تاڭدا مۋزەيدى كۇنىنە مىڭنان استام كەلۋشى تەگىن تاماشالايدى. جاڭا مۋزەيدە 140 مىڭنان استام ارحيۆتىك قۇجاتتار مەن 35 مىڭعا جۋىق كىتاپ بار. مۇندا ن. نازاربايەۆتىڭ بالالىق شاعىنان باستاپ، ءومىرىنىڭ ءار كەزەڭىندەگى ماڭىزدى دەرەكتەر جينالعان. مۋزەي زالدارىندا تۇڭعىش پرەزيدەنتتىڭ ءومىرى مەن قىزمەتى ارقىلى تاۋەلسىز قازاقستان تاريحىنىڭ باستى كەزەڭدەرى بەينەلەنگەن. سوندىقتان ەكسپوزيتسيالارعا كىرىسپە «ەلباسىنا اپارار جول» بەينەساياحاتىنان باستالادى.

بۇل ۆيدەودا ماڭگىلىك ەل يدەياسىنىڭ ءمان- ماڭىزى تۇسىندىرىلەدى. ۆيدەودان كەيىن كورەرمەندەر «ماڭگىلىك ەل» يدەياسىنداعى قولادان جاسالعان مۇسىندىك كومپوزيتسيالاردى تاماشالاي الادى. ورتادا ەلباسى بەينەسى، ونىڭ ارتىندا - قازاقستاننىڭ كوپۇلتتى حالقى بەينەلەنگەن بارەلەف تۇر. سول جاقتا - وتان قورعاۋشى باتىر مەن قازىرگى اسكەري قىزمەتشى، ال وڭ جاعىندا - انا مەن اكەنىڭ ءمۇسىنى ورنالاسقان. بۇعان دەيىن ەلباسىنىڭ جاڭا مۋزەيىندە قانداي جادىگەرلەر بار ەكەندىگىن جازعان ەدىك.




Ключевые слова: قوعام,
Наверх