Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

ۆاكسينا سالدىرتۋعا قارسى شىققاندارعا ءىرى كولەمدە ايىپپۇل سالىنادى

30 Ноября 2021 13:15

نۇر-سۇلتان. قازاقپارات – اۆستريادا كوروناۆيرۋسقا قارسى ۆاكسينا سالدىرتۋدان باس تارتقاندارعا ايىپپۇل سالىنادى، - دەپ حابارلايدى Tengrinews.kz ءتىلشىسى Kronen Zeitung سايتىنا سىلتەمە جاساپ.

باسىلىمدا اۆستريا بيلىگى زاڭ جوباسىن دايىنداعانىن، سوعان سايكەس COVID-19-عا قارسى مىندەتتى ۆاكسينا الۋدان باس تارتقان ەل تۇرعىندارى 7200 ەۋروعا (3,5 ميلليون تەڭگە) دەيىن ايىپپۇل تولەۋى كەرەك ەكەنىن حابارلادى. سونداي-اق، ۆاكسينا الۋ ءۇشىن قابىلداۋعا كەلۋدەن باس تارتقان كەز كەلگەن ادام اۋداندىق اكىمشىلىك ورگانعا شاقىرىلۋى ءتيىس.

ەگەر ادام بۇل حابارلامانى ەلەمەيتىن بولسا، وندا ەكىنشى سۇراۋ ءتورت اپتا ىشىندە جىبەرىلەدى. ءۇشىنشى رەت ۆاكسينادان باس تارتقان ادامعا 3600 ەۋرو (1,7 ميلليون تەڭگە) كولەمىندە ايىپپۇل سالىنادى نەمەسە ءتورت اپتاعا باس بوستاندىعىنان ايىرىلادى. كەيىنگى باس تارتقانىندا ايىپپۇل 7200 ەۋروعا دەيىن ارتۋى مۇمكىن ەكەنىن مالىمدەدى.

الدىن الا مالىمەتتەر بويىنشا، زاڭ قابىلدانعان جاعدايدا 2022 -جىلدىڭ اقپانىنان باستاپ كۇشىنە ەنىپ، ءۇش جىل بويى كۇشىندە بولادى.

كەيىنگى ۋاقىتتا اۆستريادا COVID تىركەلگەن جاعدايلاردىڭ سانى ارتىپ كەلە جاتقانى اتاپ ءوتىلدى. اۋرۋلاردىڭ الدىن الۋ جانە باقىلاۋ جونىندەگى ەۋروپالىق ورتالىقتىڭ مالىمەتىنشە، اۆستريا حالقىنىڭ شامامەن 65 پايىزى كوروناۆيرۋسقا قارسى ۆاكسينا العان، بۇل - ليحتەنشتەيننەن باسقا باتىس ەۋروپانىڭ بارلىق ەلدەرىنىڭ ىشىندەگى ەڭ تومەنگى كورسەتكىش.

بۇرىن اۆستريادا رەسمي تۇردە COVID-19-عا قارسى ۆاكسينا الماعاندار ءۇشىن لوكداۋن ەنگىزىلدى.


Ключевые слова: الةم,
Наверх