Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

ەلىمىزدە مەكتەپتەردى ارنايى كۇزەت قىزمەتى تاۋلىك بويى قاداعالايدى

28 Октября 2021 15:39

نۇر-سۇلتان. قازاقپارات - قازاقستاندا بالالاردىڭ قاۋىپسىزدىگىن قامتاماسىز ەتۋ ماقساتىندا مەكتەپتەردى تاۋلىك بويى ارنايى كۇزەت قىزمەتىنىڭ قاداعالاۋىنا بەرۋ ماسەلەسى قارالىپ جاتىر.

بۇل تۋرالى ق ر ءبىلىم جانە عىلىم مينيسترلىگىنىڭ بالالار قۇقىقتارىن قورعاۋ كوميتەتى ءتوراعاسىنىڭ ورىنباسارى دۋلات جەكەبايەۆ ءمالىم ەتتى، دەپ حابارلايدى قازاقپارات ءتىلشىسى.

«قازان، پەرمدە بولعان جاعداي بىزگە دە كەز كەلگەن قاۋىپكە دايار بولۋدىڭ قاجەتتىگىن كورسەتتى. بالالار قاۋىپسىزدىگىن قامتاماسىز ەتۋدە مەكتەپ كۇزەتىنە قويىلاتىن تالاپ جوعارى. كۇزەت قىزمەتى توتەنشە جاعدايعا ءاردايىم دايىن بولىپ، شۇعىل شەشىم قابىلداي ءبىلۋى ءتيىس. بۇل دەگەنىمىز بەينەباقىلاۋ كامەراسىنىڭ ورناتىلىپ، ونىڭ تالاپ پەن ستاندارتقا سايكەس جۇمىس ىستەۋى. وسى ورايدا ءبىز حالىقارالىق تاجىريبە مەن وزگە ەلدەردە بولىپ جاتقان توتەنشە جاعدايلارعا تالداۋ جۇرگىزۋدەمىز»، - دەدى دۋلات جەكەبايەۆ «Kazakhstan Security Systems -2021» اتتى رەسپۋبليكالىق كونفەرەنسيا بارىسىندا.

ونىڭ ايتۋىنشا، كەيبىر مەكتەپتەردەگى بەينەباقىلاۋ كامەراسى ءتيىستى تالاپ پەن ستاندارتقا سايكەس كەلمەيدى.

«مەملەكەت باسشىسىنىڭ تاپسىرماسىنا ساي، ءبىزدىڭ مينيسترلىك قۇزىرلى ورگاندارمەن بىرلەسىپ مەكتەپ قاۋىپسىزدىگىن تاۋلىك بويى قاداعالايتىن ارنايى كۇزەت قىزمەتىمەن قامتۋ ماسەلەسى قارالىپ جاتىر. سونىمەن قاتار، بارلىق ءبىلىم بەرۋ مەكەمەلەرىندە «دابىل باتىرماسىن» ورناتۋ دا كۇن تارتىبىندە. اتالعان شارالار بيۋدجەتتەن قوسىمشا 2 ميلليارد تەڭگە قارجىنى تالاپ ەتەدى. وسى ورايدا بۇگىندە قۇقىقتىق- نورماتيۆتىك اكتىگە قايتا وزگەرىستەر ەنگىزىلىپ جاتىر»، - دەيدى ول.

بۇعان دەيىن حابارلاعانىمىزداي، ەلىمىزدە كۇزەت قىزمەتكەرلەرىنە قويىلاتىن تالاپ پەن ولاردى دايارلاۋ جوسپارى قايتا قارالىپ جاتىر.

Ключевые слова: ايماق,
Наверх