Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

ەۋروپادان ەندى كارتوپ اكەلۋگە تىيىم سالىنۋى مۇمكىن

27 Октября 2021 08:31

نۇر-سۇلتان.قازاقپارات - گەرمانيادان كارتوپ تۇقىمىن اكەلۋگە تىيىم سالىنۋى مۇمكىن. اۋىل شارۋاشىلىعى مينيسترلىگىنىڭ قالىپتاسقان جاعدايعا بايلانىستى ۇستانىمى وسى.

تاياۋدا ەۋروپا، ونىڭ ىشىندە گەرمانيا جانە نيدەرلاندىدان اكەلىنگەن ونىمنەن جۇقپالى باكتەريا تابىلعان بولاتىن. سونىڭ سالدارىنان پاۆلودارلىق شارۋالار شىعىنعا باتقان ەدى. سونىمەن قاتار، سولتۇستىك وڭىرلەردە قۇس تۇماۋىنىڭ تاعى ءبىر وشاعى انىقتالعان بولاتىن. ماماندار بۇل اۋرۋ دا شەتەلدەن ءتيىستى ۆاكسيناسىز اكەلىنگەن قۇستان تارادى دەگەن ءۋاج ايتادى.

باۋىرجان ابىزبايەۆ، ق ر ا ش م ۆەتەرينارلىق باقىلاۋ جانە قاداعالاۋ كوميتەتى ءتوراعاسىنىڭ مىندەتىن اتقارۋشى:

- سولتۇستىك قازاقستان، اقمولا وبلىسىندا پايدا بولعان قۇس تۇماۋىنىڭ وشاقتارى باسقا جاقتان اكەلىنگەن ۆاكتسينا جاسالماعان قۇستاردان شىعىپ وتىر. ەندى قازىرگى تاڭدا بۇل بويىنشا ەپيدزوواحۋال تۇراقتى. مىنا اتاپ وتكەن وشاقتاردان باسقا جاقتان شىققان جوق.

ءۇي جانۋارلارىنان كوروناۆيرۋس انىقتالعان جوق

مينيسترلىك وكىلدەرى ءۇي جانۋارلارىن ۆاكسينالاۋ ماسەلەسىنە دە توقتالدى. ەندى ەلىمىزدە مىسىق نەمەسە يتتەرگە ەكپە سالۋ ەرىكتى تۇردە جۇرگىزىلۋى مۇمكىن. ول ءۇشىن ارنايى ۆاكسينالار بار. دەگەنمەن، بۇعان اسىعۋدىڭ قاجەتى جوق. ەلدە كوروناۆيرۋستىڭ ءۇي جانۋارىنان ادامعا جۇعۋ جاعدايى تىركەلمەدى. «ونىڭ ۇستىنە، بۇل دەرەك عىلىم تاراپىنان ناقتى دالەلدەنگەن جوق»، - دەيدى ماماندار.

www.24.kz

Ключевые слова: قوعام,
Наверх