Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

قاسىم-جومارت توقايەۆ مەملەكەتتىك ساپارمەن اشحابادقا باردى

24 Октября 2021 17:47

نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ تۇرىكمەنستان پرەزيدەنتى گۋربانگۋلى بەردىمۇحامەدوۆتىڭ شاقىرۋى بويىنشا مەملەكەتتىك ساپارمەن اشحابادقا كەلدى.

بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي ءوزىنىڭ Facebook-تەگى پاراقشاسىندا جازدى، دەپ حابارلايدى قازاقپارات.

«ساپار بارىسىندا ەكى ەل دەلەگاتسياسىنىڭ شاعىن جانە كەڭەيتىلگەن قۇرامداعى كەلىسسوزدەرى وتەدى. تاراپتار قازاق-تۇرىكمەن ستراتەگيالىق سەرىكتەستىگىنىڭ جاعدايى مەن دامۋ پەرسپەكتيۆالارىن، سونداي-اق كۇن تارتىبىندەگى وڭىرلىك جانە حالىقارالىق ماسەلەلەردى قاراستىرادى»، - دەپ جازدى پرەزيدەنتتىڭ باسپا ءسوز حاتشىسى.

ايتا كەتەيىك، قاسىم-جومارت توقايەۆ 12- قازاندا ا و س ش ك سىرتقى ىستەر مينيسترلەرى كەڭەسىنىڭ 6-وتىرىسىنا قاتىسۋ ءۇشىن ەلىمىزگە كەلگەن تۇرىكمەنستان مينيسترلەر كابينەتى ءتوراعاسىنىڭ ورىنباسارى - سىرتقى ىستەر ءمينيسترى راشيد مەرەدوۆتى قابىلداعان بولاتىن.

وسى جۇزدەسۋ بارىسىندا راشيد مەرەدوۆ تۇرىكمەنستان پرەزيدەنتى گۋربانگۋلى بەردىمۇحامەدوۆتىڭ قازاقستان پرەزيدەنتىن ءوز ەلىنە مەملەكەتتىك ساپارمەن كەلۋگە شاقىرۋىن تابىس ەتتى.

ءوز كەزەگىندە قازاقستان پرەزيدەنتى شاقىرتۋدى قابىل الاتىنىن، بارلىق سالاداعى قازاق-تۇرىكمەن ىنتىماقتاستىعىنا تىڭ سەرپىن بەرۋ ماقساتىندا جۋىق ارادا اشحابادقا ساپارمەن باراتىنىن جەتكىزدى.


Ключевые слова: بيلئك جانة ساياسات,
Наверх