Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

سەنبى كۇنى اۋا رايى قانداي بولادى؟

23 Октября 2021 08:08

نۇر-سۇلتان. قازاقپارات - قازگيدرومەت 23- قازانعا ارنالعان اۋا رايى بولجامىن جاريالادى، دەپ حابارلايدى قازاقپارات.

رەسپۋبليكامىزدىڭ باسىم بولىگى فرونتالدى ايماقتا بولۋىنا بايلانىستى، قۇبىلمالى اۋا رايى كۇتىلەدى.

جاۋىن-شاشىن، تۇمان، كوكتايعاق، جاياۋ بۇرقاسىن كۇتىلىپ، تەك وڭتۇستىك جانە وڭتۇستىك- باتىس وڭىرلەر جوعارى قىسىم ىقپالىندا بولعاندىقتان، جاۋىن-شاشىن بولمايدى.

اقمولا وبلىسىندا جەلدىڭ كۇشى 15-20 م/س، وبلىستىڭ سولتۇستىگىندە، شىعىسىندا ەكپىنى 23-28 م/س، كەيدە ۋاقىتتا 30 م/س جوعارى بولادى.

تۇندە وبلىستىڭ سولتۇستىگىندە، شىعىسىندا جاياۋ بۇرقاسىن، كوكتايعاق بولجانادى.

سولتۇستىك قازاقستان وبلىسىندا جەل 15-20 م/س، ەكپىنى 23-28 م /س، تۇندە سولتۇستىكتە، باتىستا - كوكتايعاق، جاياۋ بۇرقاسىن كۇتىلەدى.

قوستاناي، پاۆلودار وبلىستارىندا جەل 15-23 م/س كۇشەيۋى كۇتىلەدى، قوستاناي وبلىسىنىڭ سولتۇستىگىندە تۇمان تۇسەدى.

قاراعاندى وبلىسىنىڭ باتىسىندا، سولتۇستىگىندە، ورتالىعىندا جەلدىڭ 15-23 م/س كۇشەيۋى، تۇندە باتىستا، كۇندىز سولتۇستىكتە، شىعىستا - كوكتايعاق، جاياۋ بۇرقاسىن بولادى.

شىعىس قازاقستان وبلىسىنىڭ باتىس بولىگى مەن تاۋلى اۋداندارىندا جەل 15-23 م/س كۇشەيىپ، وبلىستىڭ سولتۇستىگىندە تۇمان، كوكتايعاق بولادى.

الماتى وبلىسىنىڭ تاۋلى اۋداندارى مەن الاكول كولدەرىنىڭ ماڭىندا جەلدىڭ 15-20 م/س كۇشەيۋى، تاڭەرتەڭ جانە كۇندىز وبلىستىڭ وڭتۇستىگى مەن شىعىسىندا - تۇمان كۇتىلەدى.

اقتوبە وبلىسىنىڭ شىعىسىندا، تۇندە ماڭعىستاۋ وبلىسىنىڭ سولتۇستىك-باتىسىندا، كۇندىز باتىس قازاقستان وبلىسىنىڭ شىعىسىندا جەلدىڭ 15-20 م/س كۇشەيۋى كۇتىلەدى.

تۇندە جانە تاڭەرتەڭ اتىراۋ وبلىسىنىڭ باسىم بولىگىندە، قىزىلوردا وبلىسىنىڭ سولتۇستىگىندە تۇمان كۇتىلەدى.

جامبىل وبلىسىنىڭ تاۋلى اۋداندارىندا تۇمان، كوكتايعاق بولجانادى.

Ключевые слова: ايماق,
Наверх