Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

ۆيتسە-پرەمەر رومان سكليار جۇمىس ساپارىمەن سەۋلدە ءجۇر

22 Октября 2021 19:12

سەۋل. قازاقپارات - 21- قازاندا ق ر پرەمەر-ءمينيسترىنىڭ ورىنباسارى رومان سكليار باستاعان قازاقستاندىق دەلەگاتسيا كورەيالىق ءىرى كومپانيالاردىڭ باسشىلارىمەن كەلىسسوز جۇرگىزۋ ءۇشىن جۇمىس ساپارىمەن سەۋلگە باردى.

بۇل ساپار ق ر پرەزيدەنتى قاسىم-جومارت توقايەۆتىڭ بيىلعى تامىزدا كورەيا رەسپۋبليكاسىنا مەملەكەتتىك ساپارى بارىسىندا قول جەتكىزىلگەن ۋاعدالاستىقتاردى ىسكە اسىرۋ اياسىندا بولدى، دەپ حابارلايدى primeminister.kz.

كورەيا رەسپۋبليكاسىنىڭ ساۋدا، يندۋستريا جانە ەنەرگەتيكا ءمينيسترى سۋنگ ۆۋك مۋنمەن، Samsung Electronics، KIA Motors، Youngsan، LS Mtron، Doosan Heavy Industries Construction، Simpac، Celltrion جانە Seegene Medical Foundation كومپانيالارىنىڭ باسشىلارىمەن كەلىسسوز جۇرگىزىلدى.

ناقتى جوبالار ەلەكتروندى جانە تاۋ-كەن ونەركاسىبى، ەنەرگەتيكا، مەديتسينا، اۆتوموبيل ءوندىرىسى، مەديتسينالىق بۇيىمدار مەن ءدارى-دارمەكتەر سالالارىندا تالقىلاندى.

سونىمەن قاتار ساپار بارىسىندا كورەيا حالىقارالىق ساۋدا قاۋىمداستىعىنىڭ اتقارۋشى ۆيتسە-توراعاسىمەن، كورەيانىڭ گەولوگيالىق زەرتتەۋلەر مەن مينەرالدى رەسۋرستار ينستيتۋتىنىڭ پرەزيدەنتىمەن جانە كورەيا دەنساۋلىق ساقتاۋ سالاسىن دامىتۋ ينستيتۋتىنىڭ پرەزيدەنتىمەن ەكىجاقتى كەزدەسۋلەر ءوتتى.

ونىڭ بارىسىندا تاراپتار ەنەرگەتيكا، تاۋ-كەن مەتاللۋرگيا كەشەنى، مەديتسينا جانە دەنساۋلىق ساقتاۋ سالاسىنداعى ىنتىماقتاستىقتى جانداندىرۋعا كەلىستى.

سونىمەن قاتار كورەيا دەنساۋلىق ساقتاۋ يندۋسترياسىن دامىتۋ ينستيتۋتىنىڭ قولداۋىمەن دەنساۋلىق ساقتاۋ مەن فارماتسيەۆتيكا ونەركاسىبىندە جۇمىس ىستەيتىن 20 ءىرى كورەي كومپانياسىنىڭ قاتىسۋىمەن دوڭگەلەك ۇستەل وتكىزىلدى.

بۇعان دەيىن قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ تاپسىرماسى بويىنشا كورەيالىق ينۆەستورلارمەن ءوزارا ارەكەتتەسۋ ءۇشىن ق ر پرەمەر-ءمينيسترىنىڭ ورىنباسارى رومان سكليار باستاعان ارنايى جۇمىس توبى قۇرىلدى.

Ключевые слова: بيلئك جانة ساياسات,
Наверх