Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

قاراعاندى وبلىسىندا اڭشى يتتەر جارىسى ءوتتى

21 Октября 2021 20:44

قاراعاندى. قازاقپارات - قاراعاندى وبلىسىنىڭ جاڭاارقا اۋدانىندا قۇماي تازىلاردىڭ جارىسى ءوتتى.

وعان 30 دان استام اسىل تۇقىمدى ءيت قاتىستى، دەپ حابارلايدى قازاقپارات ءتىلشىسى.

«قازاقتار ەجەلدەن تازىنى جەتى قازىنانىڭ ءبىرى دەپ اتاعان، ويتكەنى ولار قىس قاتتى بولىپ، جۇت كەلگەن جىلى مال قىرىلعاندا تۇتاس اۋىلدى اڭ اۋلاپ، اسىراعان. يتتەر قاردىڭ قالىڭدىعىنا قاراماستان، قوياننىڭ نەمەسە تۇلكىنىڭ ءىزىن تاۋىپ، ءيىسىن وڭاي الادى. سونىمەن قاتار، تازى ىستىققا دا، سۋىققا دا ءتوزىمدى. ءبىزدىڭ جارىس ۇلتتىق ءداستۇردى جاڭعىرتۋعا باعىتتالعان»، - دەيدى جارىستى ۇيىمداستىرۋشىلاردىڭ ءبىرى قايسار سەيپىشيەۆ.




تازىلاردىڭ جىلدامدىعى مەن ەپتىلىگىن قازىلار القاسى باعالادى. ولار ءبىرىنشى ورىندى سۇڭقار اتتى جاس اڭشى يتكە بەردى.

«مەنىڭ سۇڭقارىم ەكى جاستا. بۇل ونىڭ ءۇشىنشى جارىسى. كۇشىك كەزىنەن ول وتە بەلسەندى، ىزىنە تۇسكەن اڭىنان ايىرىلمايدى. مەندە ءۇش تازى بار. ولاردى جارىستارعا قاتىستىرۋ ءۇشىن ۇستامايمىن. ولار مەنىڭ ەڭ جاقسى دوستارىم»، - دەدى تازىنىڭ يەسى زاڭعار قۇتتىباي.

Ключевые слова: ايماق,
Наверх