Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

قىتاي ەكىنشى پيلوتتىق كەمەسىن عارىشقا ۇشىردى

16 Октября 2021 10:45

بەيجىڭ. قازاقپارات - قىتايدىڭ شەن چجوۋ-13» پيلوتتىق كەمەسى «تيان حە» عارىش ستانساسىنىڭ مودۋلىمەن ءتۇيىستى. بۇل تۋرالى قازاقپارات ءتىلشىسى قىتاي ۇلتتىق عارىش باسقارماسىنا سىلتەمە جاساپ حابارلايدى.

«شەن چجوۋ-13» كەمەسى قىتايدىڭ سولتۇستىگىندە ورنالاسقان «تسزيۋ تسيۋان» عارىش ايلاعىنان جەرگىلىكتى ۋاقىتپەن ساعات 00:23 تە ۇشىرىلدى. كەمەنى وربيتاعا شىعارۋ ءۇشىن «چان چجەن-2-ەف» زىمىران تاسىعىشى قولدانىلعان.

سەنبى كۇنى جەرگىلىكتى ۋاقىت بويىنشا ساعات 06:56 دا بورتىندا ەكيپاجى بار قىتاي عارىش كەمەسى «تيان حە» عارىش ستانساسىنىڭ نەگىزگى مودۋلىمەن تۇيىسكەن. جاقىن ارادا ءۇش تايكوناۆت «تيان حە» ستانساسىنىڭ نەگىزگى مودۋلىنە ءوتىپ، ستانساعا قىزمەت ەتۋگە قوسىلادى ەسكە سالا كەتسەك، بۇل قىتايدىڭ پيلوتتىق ەكىنشى عارىش كەمەسى، عارىشكەرلەر وربيتادا التى اي بولىپ، اشىق عارىشقا ەكى- ءۇش رەت اتتانادى.

قىركۇيەك ايىندا وربيتاعا كەزەكتى ميسسيانىڭ عارىش ستانساسىندا ۇزاق ۋاقىت بولۋىن قامتاماسىز ەتۋى ءۇشىن ازىق- تۇلىك جانە ارنايى جابدىقتار تيەلگەن جۇك كەمەسى جىبەرىلگەن. بۇعان دەيىن «شەن چجوۋ-12» پيلوتتىق عارىش ميسسياسى قىركۇيەكتە ءساتتى اياقتالدى.

«تيانحە» عارىش ستانساسى 2022 -جىلى جۇمىس ىستەي باستاماق.

Ключевые слова: الةم,
Наверх