Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

الماتىنىڭ شەتكى اۋداندارى قالاي دامىپ جاتىر؟

26 Сентября 2021 09:29

الماتى. قازاقپارات- باقىتجان ساعىنتايەۆ قالاعا قوسىلعان شاعىن اۋداندارداعى الەۋمەتتىك نىسانداردىڭ قۇرىلىسىمەن تانىستى، دەپ حابارلايدى قازاقپارات ءتىلشىسى.

«العاباس» شاعىن اۋدانىندا 17 شاقىرىم سۋ قۇبىرى جەلىسى مەن 13,5 شاقىرىم سۋ بۇرۋ قۇرىلىسىنىڭ ءبىرىنشى كەزەڭى اياقتالۋعا جاقىن. ولارعا 1332 ابونەنت قوسىلادى. ەكىنشى كەزەڭدە 19,1 شاقىرىم سۋمەن جابدىقتاۋ جەلىسى مەن 13,7 شاقىرىم كارىز، سونداي-اق 14 ك م قىسىمدى كارىز جەلىسىنىڭ قۇرىلىسى ءجۇرىپ جاتىر.

بۇلارعا 1,5 مىڭعا جۋىق ابونەنت قوسىلادى. سونداي-اق، «العاباس» شاعىن اۋدانىنىڭ تۇرعىندارىن ورتالىقتاندىرىلعان سۋمەن جابدىقتاۋ جانە سۋدان بۇرۋمەن تولىق قامتاماسىز ەتۋ ماقساتىندا قۇرىلىستىڭ Ⅲ كەزەڭىنە ج س ق ازىرلەۋ جۇمىستارى جۇرگىزىلۋدە.

سونداي-اق اتالعان اۋداندا 24 كوشەدەگى 11,3 شاقىرىم جولدار قالپىنا كەلتىرىلەدى. بۇگىنگى كۇنى 10 كوشەنىڭ 3,9 شاقىرىمى جوندەلدى. سونىمەن قاتار، 98 كوشەگە 31,9 شاقىرىم جاڭا جول سالىنادى.

قازىرگى ۋاقىتتا ۇزىندىعى 4,2 شاقىرىم بولاتىن 9 كوشەگە اسفالتبەتون جامىلعىسى توسەلدى. 21 كوشەدە سىرتقى جارىقتاندىرۋ ورناتىلدى. قالعان ەكى جارىقتاندىرىلماعان كوشەدە قالا اكىمىنىڭ تاپسىرماسى بويىنشا مەملەكەتتىك- جەكە ارىپتەستىك اياسىندا جارىقتاندىرۋ ۇيىمداستىرىلادى.

سونداي-اق، 32 ترانسفورماتورلىق قوسالقى ستانتسيانى اۋىستىرۋمەن 73,5 شاقىرىم ەلەكتر جەلىلەرى جاڭارتىلادى.

وسىلايشا، 21 مىڭ ادام تۇراتىن «العاباس» شاعىن اۋدانىنىڭ تۇرمىس جاعدايى جاقسارىپ، جالپى قالالىق ستاندارتتارعا ساي بولادى. بۇگىنگە دەيىن جەكە ۇيىمدار ۇسىنعان جابدىقتاۋ قىزمەتتەردىڭ ساپاسىنا جانە ەلەكتر ەنەرگياسى مەن سۋمەن جابدىقتاۋ تاريفتەرگە قاتىستى بولادى. ءدال وسىنداي جۇمىستار ناۋرىزباي اۋدانىندا دا جۇرگىزىلۋدە.

سونىمەن، «اقجار» شاعىناۋدانىندا 19 شاقىرىم سۋ قۇبىرى مەن 15,7 شاقىرىم سۋ بۇرۋ جەلىسىنىڭ قۇرىلىسى جالعاسۋدا. جوبا بويىنشا ولارعا 1400 ءۇي قوسىلادى. جوبانى اياقتاۋ كەلەسى جىلعا جوسپارلانعان. 5,5 شاقىرىم جەلىنى جاڭارتۋ جانە 3 ترانسفورماتورلىق قوسالقى ستانتسيانى اۋىستىرۋ كوزدەلگەن. 49 كوشە بويىنا سىرتقى جارىقتاندىرۋ جەلىسى تارتىلدى.

الماتى اكىمى باقىتجان ساعىنتايەۆ «تاستىبۇلاق» شاعىناۋدانىنداعى جول قۇرىلىسىنىڭ بارىسىمەن دە تانىستى. بۇگىنگى كۇنى ۇزىندىعى 10,1 شاقىرىم بولاتىن 17 كوشەگە اسفالتبەتون جامىلعىسى توسەلدى. ۇزىندىعى 1,1 شاقىرىم بولاتىن ءبىر كوشەگە اسفالت توسەۋ جاقىن ارادا اياقتالادى.

سونداي-اق، قالا اكىمى تاستىبۇلاق وزەنىنىڭ جاعالاۋىن جاقسارتۋ بارىسىن تەكسەردى. قالانىڭ سولتۇستىك-باتىس بولىگىندە كولىك بايلانىسىن دامىتۋ ماقساتىندا ساين كوشەسىن رىسقۇلوۆ داڭعىلىنان موڭكە ءبي كوشەسىنە دەيىن ۇزارتۋ اۋقىمدى جوبا بويىنشا جۇرگىزىلۋدە.

جالپى ۇزىندىعى 3,2 شاقىرىم. قازىر 1,4 ك م ۋچاسكەدە جۇمىستار جۇرگىزىلىپ جاتىر. بازانى دايىنداۋ، جاعالاۋدى ورناتۋ جانە بەتكەيلەردى نىعايتۋ اياقتالدى.

باقىتجان ساعىنتايەۆ قارقىندى جەدەلدەتىپ، جۇمىس كولەمىن ارتتىرۋدى تاپسىردى. التى جولاقتى جول الاتاۋ اۋدانى مەن الماتى وبلىسىنىڭ قالا ماڭىنداعى ەلدى مەكەندەردە تۇراتىن ازاماتتاردىڭ ۇتقىرلىعىن ارتتىرادى. قولجەتىمدى تۇرعىن ۇيمەن قامتاماسىز ەتۋ جۇمىستارى جالعاسۋدا.

باقىتجان ساعىنتايەۆ «مادەنيەت» تۇرعىن ءۇي كەشەنىندەگى العاش سالىنعان 144 پاتەرلى 4 ءۇيدى قاراپ شىقتى. اۋماقتى اسفالتتاۋ جانە كوشەلەردى جارىقتاندىرۋ جۇمىستارى جۇرگىزىلۋدە. بارلىعى 792 پاتەرلى 22 ءۇي سالۋ جوسپارلانۋدا.

وسىلايشا، 211 پاتەر حالىقتىڭ الەۋمەتتىك وسال توپتارى اراسىندا، 24 ءى - جۇمىس ىستەيتىن جاستار اراسىندا، 557 - كەزەكتە تۇرعاندار مەن وتباسى بانكىنىڭ سالىمشىلارى اراسىندا بولىنەدى.

الماتى اكىمىنىڭ تاپسىرماسى بويىنشا جوسپاردى ناقتى ازىرلەۋ كەزىندە بالاباقشا مەن ءۇش مەكتەپ سالۋ كوزدەلگەن.

تۇرعىندارعا جاقىن ماڭدا الەۋمەتتىك قىزمەتتەر كورسەتىلەدى. «قالقامان» شاعىن اۋدانىندا 7№ قالالىق كلينيكالىق اۋرۋحانانىڭ جاڭا عيماراتىنىڭ قۇرىلىسى جالعاسۋدا.

كۇنىنە 650 پاتسيەنت قابىلداي الادى. ناۋقاستارعا ارنالعان 48 توسەك-ورىن بار. قالا اكىمى قۇرىلىس جۇمىستارىنىڭ بارىسىمەن جانە جابدىقتار تىزىمىمەن تانىستى.

ك ت اپپاراتتارى، رەنتگەن ساۋلەلەرى، جەلدەتكىشتەر، جىلجىمالى رەنتگەن جۇيەلەرى، مەديتسينالىق مونيتورلار مەن كوپفۋنكتسيونالدى كەرەۋەتتەر ساتىپ الۋ جوسپاردا.

باقىتجان ساعىنتايەۆ جاڭا مەديتسينالىق مەكەمەنى پايدالانۋعا بەرۋدى جەدەلدەتۋدى، ارلەۋ جانە قۇرىلىس-مونتاجداۋ جۇمىستارىن تەزدەتۋدى تاپسىردى. نەگىزگى ماقسات - حالىققا كورسەتىلەتىن مەديتسينالىق قىزمەتتىڭ ساپاسىن ارتتىرۋ.

Ключевые слова: ايماق,
Наверх