Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

سەناتورلار زاڭ ءبىلىمىنىڭ ساپاسى ماسەلەلەرىن تالقىلادى

24 Сентября 2021 22:44

نۇر-سۇلتان. قازاقپارات - سەناتتىڭ كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ دەپۋتاتتارى ەلىمىزدەگى زاڭ ءبىلىمىنىڭ ساپاسىن زەرتتەۋ ماقساتىندا قاراعاندى قالاسىنىڭ ءبىرقاتار وقۋ ورىندارىندا بولدى، دەپ حابارلايدى قازاقپارات سەناتتىڭ باسپا ءسوز قىزمەتىنە سىلتەمە جاساپ.

قازاقستان رەسپۋبليكاسى ءبىلىم جانە عىلىم مينيسترلىگىنىڭ اقپاراتى بويىنشا، بۇگىندە ەلىمىزدە 128 جوعارى وقۋ ورنى جۇمىس ىستەيدى، ولاردىڭ 67 ءسى زاڭگەرلەر دايارلايدى. سوڭعى 5 جىلدا زاڭگەرلەردى دايارلاۋعا 1480 گرانت ءبولىندى جانە 124 مىڭنان استام زاڭگەر ءبىتىرىپ شىقتى.




سەناتتىڭ سالالىق كوميتەتىنىڭ ءتوراعاسى ۆلاديمير ۆولكوۆ ءوز سوزىندە مەملەكەت باسشىسى قاسىم-جومارت توقايەۆتىڭ قازاقستان حالقىنا جولداۋىندا ءبىلىم بەرۋ ساپاسىن ارتتىرۋعا ەرەكشە نازار اۋدارىلعانىن اتاپ ءوتتى.




«رەفورمالاردى، ونىڭ ىشىندە قۇقىق قورعاۋ جانە سوت جۇيەسىندەگى جاڭارۋلاردى ساپالى جۇزەگە اسىرۋ ءۇشىن قوعام مەن مەملەكەتكە قازىرگى زامانعى ەڭبەك نارىعىنىڭ تالاپتارىنا سايكەس كەلەتىن، پاتريوتتىق رۋحتاعى جانە ادامنىڭ قۇقىقتارى مەن بوستاندىقتارىن، قوعام مەن مەملەكەتتىڭ مۇددەسىن قورعاۋدى باعدار ەتكەن، زاڭتانۋ سالاسىندا كاسىبي قۇزىرەتكە يە جاڭا فورماتسياداعى زاڭ كادرلارى قاجەت»، - دەدى سەناتور.




وتىرىسقا قاتىسۋشىلار، ولاردىڭ ىشىندە قاراعاندى قالاسىنىڭ جوعارى وقۋ ورىندارىنىڭ وكىلدەرى سالادان تىس جوعارى وقۋ ورىندارىندا زاڭ فاكۋلتەتتەرىن اشۋ جانە جاپپاي ديپلومدى الۋ زاڭ كادرلارىنىڭ كاسىپتىك ءبىلىمىنىڭ ساپالىق دەڭگەيىن تومەندەتەتىنىن اتاپ ءوتتى.

سونىمەن قاتار پروفەسسورلىق-وقىتۋشىلىق قۇرامنىڭ تاپشىلىعى دا بايقالىپ وتىر. ۆلاديمير ۆولكوۆ ءسوزىن قورىتىندىلاي كەلىپ، ءبىلىم بەرۋ جۇيەسى ءارقاشان ەلىمىز پرەزيدەنتىنىڭ ەرەكشە باقىلاۋىندا ەكەنىن اتاپ ءوتتى.

«قۇقىقتىق ءبىلىم بەرۋدە ساپا تاقىرىبى اسا ماڭىزدى ءارى زەردەلەۋدى قاجەت ەتەتىندىگىن ەسكەرە وتىرىپ، كوميتەت بارلىق مۇددەلى تاراپتاردى شاقىرا وتىرىپ پارلامەنت سەناتىنىڭ قابىرعاسىندا كوميتەت وتىرىسىن وتكىزۋدى جوسپارلاپ وتىر. ونىڭ ناتيجەسى 2022-جىلدىڭ 1- توقسانىندا «قازاقستانداعى قۇقىقتىق رەفورما: زاڭ ءبىلىمىنىڭ ساپاسىن قامتاماسىز ەتۋ ساۋالى» تاقىرىبى بويىنشا ۇكىمەت ساعاتىن وتكىزۋ بولادى، وندا ەلدەگى زاڭ ءبىلىمىنىڭ ساپاسىن ارتتىرۋ تۋرالى ۇكىمەت اتىنا ۇسىنىمدار ازىرلەنەتىن بولادى» - دەدى ۆلاديمير ۆولكوۆ.

سەناتورلار سونىمەن قاتار نۇر- سۇلتان قالاسىنىڭ جوعارى وقۋ ورىندارىنداعى، اتاپ ايتقاندا م. س. نارىكبايەۆ اتىنداعى كازگيۋۋ مەن ل. ن. گۋميليەۆ اتىنداعى ە ۇ ۋ- دەگى زاڭگەرلىك ءبىلىم بەرۋ دەڭگەيىن تەكسەردى.

Ключевые слова: بيلئك جانة ساياسات,
Наверх