Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

قازاقستاندا كوروناۆيرۋستىڭ جاڭا «ەتا» شتامى انىقتالدى

21 Сентября 2021 11:18

نۇر-سۇلتان. قازاقپارات - قازاقستاننىڭ 4 وڭىرىندە كوروناۆيرۋستىڭ جاڭا شتامى انىقتالدى.

بۇل تۋرالى دەنساۋلىق ساقتاۋ ءمينيسترى الەكسەي سوي جەلىدەگى پاراقشاسىندا جازدى، دەپ حابارلايدى قازاقپارات.

«دەنساۋلىق ساقتاۋ مينيسترلىگى اعىمداعى جىلدىڭ شىلدە- تامىز ايلارىندا ك ۆ ي ناۋقاستارىنان الىنعان وڭ زەرتحانالىق ۇلگىلەردى سەكۆەنيرلەۋ ادىسىمەن كوروناۆيرۋستىق ينفەكسياعا گەنەتيكالىق زەرتتەۋ جۇرگىزدى. سەكۆەنيرلەۋ قورىتىندىلارى بويىنشا قازاقستان رەسپۋبليكاسىندا 96 ۇلگىدە شتاممدار اينالىمى بەلگىلەنگەن (Delta «ءۇندى شتاممى» - 57 (%59,4)،Alpha « بريتاندىق» - 24 (%25)، «ۋحان» كوروناۆيرۋسى - 10 (%10,4) جانە eta « نيگەريا» - 5 (%5,2) ).

Eta « نيگەريا» شتاممىنىڭ اينالىمى 4 وڭىردە ايقىندالدى (قاراعاندى - 1، ماڭعىستاۋ - 2، پاۆلودار - 1، نۇر-سۇلتان - 1). ە ت ا شتاممنىڭ پايدا بولۋى 2020 -جىلدىڭ جەلتوقسانىندا بەلگىلى بولدى، اۋرۋدىڭ العاشقى جاعدايلارى نيگەريا مەن ۇلى بريتانيادا انىقتالدى»، - دەپ جازدى مينيستر جەلىدە.

دۇنيەجۇزىلىك دەنساۋلىق ساقتاۋ ۇيىمىنىڭ 2021 -جىلعى 15-قىركۇيەكتەگى دەرەكتەرى بويىنشا Eta شتاممى الەمنىڭ 77 ەلىندە بولىنگەن، د د ۇ ساناتى بويىنشا «باقىلاۋدى» تالاپ ەتەتىن شتاممدارعا جاتادى. كلينيكالىق بەلگىلەرى Alpha (بريتاندىق) جانە Beta (وڭتۇستىك افريكا) شتامدارى (جوعارى قىزبا، جوتەل، ءيىس پەن ءدام جوعالتۋ، اۋىر اۋرۋ جانە ت. ب. ) سياقتى. وسىعان بايلانىستى دەنساۋلىق ساقتاۋ مينيسترلىگى ءاربىر قازاقستاندىقتى ءوز دەنساۋلىعىن جانە جاقىندارى مەن تۋىستارىنىڭ دەنساۋلىعىن ساقتاۋعا قامقورلىقپەن قاراۋعا شاقىرادى. ينفەكسيادان جانە اۋرۋحاناعا جاتقىزۋدان قورعاۋدىڭ جالعىز ءتيىمدى ءادىسى - COVID19 ۆاكسيناتسياسىنىڭ اياقتالعان كۋرسى»، - دەپ تولىقتىردى مينيستر ءوز ءسوزىن.

سونداي-اق، ۆيرۋستىڭ تارالۋ قاۋپىن ازايتۋ ءۇشىن بارلىق الدىن- الۋ شارالارىن ساقتاۋ قاجەت: ماسكا كيۋ، الەۋمەتتىك قاشىقتىقتى ساقتاۋ، قول گيگيەناسى، ءۇي- جايلاردى جەلدەتۋ جانە ت. ب.


Ключевые слова: قوعام,
Наверх