Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

جاڭا استىقتىڭ ساپالىق كورسەتكىشتەرى ايتارلىقتاي جوعارى - ۇكىمەت باسشىسى

21 Сентября 2021 10:47

نۇر- سۇلتان. قازاقپارات - جاڭا استىقتىڭ ساپالىق كورسەتكىشتەرى ايتارلىقتاي جوعارى. بۇل تۋرالى ۇكىمەت وتىرىسىندا ق ر پرەمەر- ءمينيسترى اسقار مامين ايتتى، دەپ حابارلايدى قازاقپارات ءتىلشىسى.

«جاڭا استىقتىڭ ساپالىق كورسەتكىشتەرى ايتارلىقتاي جوعارى. ءدان ماڭىزى 28 پايىزدان جوعارى بيداي كولەمى - جينالعان استىقتىڭ جالپى كولەمىنىڭ 74 پايىزىنا جەتتى. الەمدىك نارىقتا وسىنداي ساپاسى جوعارى بيدايعا سۇرانىس جوعارى ەكەنىن ەسكەرۋ قاجەت. فورۆاردتىق ساتىپ الۋ باعدارلاماسى اياسىندا «ازىق- تۇلىك كورپوراتسياسىنا» بيداي جەتكىزۋدى قامتاماسىز ەتۋ كەرەك»، - دەدى اسقار مامين.

ۇكىمەت باسشىسى وبلىستاردىڭ اكىمدىكتەرى مەن اۋىل شارۋاشىلىعى مينيسترلىگى ەگىن جيناۋدى اسا قىسقا مەرزىمدە اياقتاۋ قاجەتتىگىن باسا ايتتى.

«2022 -جىلعا قاجەت بولاتىن تۇقىم قالدىرۋدى دا قامتاماسىز ەتسىن. يندۋستريا مينيسترلىگى «قازاقستان تەمىر جولى» كومپانياسىمەن بىرگە استىقتى تۇراقتى تاسىمالداۋ ءۇشىن جىلجىمالى قۇراممەن قامتاماسىز ەتۋ ءىس- شارالارىن قابىلداسىن»، - دەگەن پرەمەر- مينيستر بۇل جۇمىستاردى جالپى ۇيلەستىرۋ مەن باقىلاۋدى ورىنباسارى رومان سكليارعا تاپسىردى.

Ключевые слова: قوعام,
Наверх