Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

العاش رەت: كامەراسى بۇيىرىندە ورنالاسقان سمارتفون شىعارىلدى

21 Сентября 2021 08:31

نۇر-سۇلتان.قازاقپارات -Oppo كومپانياسى كامەرانىڭ سمارتفوننىڭ بۇيىرىنە ورنالاستىرىپ، ەرەكشە گادجەت جاساپ شىعاردى. بۇل جايلى نيدەرلاندىنىڭ LetsGoDigital باسىلىمى حابارلادى.

ونەرتابىس دۇنيەجۇزىلىك زياتكەرلىك مەنشىك ۇيىمىنىڭ بازاسىنا تىركەلدى. كومپانيا ينجەنەرلەرى سمارتفوننىڭ ءبۇيىر تۇسىنا پەرفوراتسيا جاساپ، كامەرا ورناتقان ەكەن. بۇل كامەرا تىگىنەن ەمەس، بۇيىرىنەن تۇسىرەدى. قاپتالدا تۇرعان نارسەلەردى سۋرەتكە جانە ۆيدەوعا تۇسىرۋگە بولادى.

مۇنداي كونسترۋكتسيا كولەمدى سۋرەت پەن ۆيدەو جاساۋعا مۇمكىندىك بەرەدى. تەلەفوندى ارى- بەرى قوزعاپ قاجەت ەمەس. ينجەنەرلەردىڭ ايتۋىنشا، ءبىر كوكجيەكتىڭ بويىمەن قوزعالعان دۇنيەنىڭ بارىنە فيكساتسيا جاساۋعا بولادى.

«ەگەر سۋرەتكە تۇسىرگەلى تۇرعان نىسان قوزعالسا، بۇيىردە تۇرعان اينا قوزعالىس بويىمەن بۇرىلىپ، كادر جاسايدى»، - دەپ ءتۇسىندىردى پاتەنت يەلەرى.

كومپانيا اتالمىش ونەرتابىستى مەنشىككە اينالدىرىپ تىركەگەنىمەن، شىنايى سمارتفون جاساۋعا قولدانا ما الدە جوق پا - ول جاعى بەلگىسىز.

ايتا كەتكەن ءجون، ستيلۋس- كامەرانى Samsung كومپانياسى دا ويلاپ تاپقان بولاتىن. ول دا بۇيىردەگى نىساندى ۆيدەو مەن سۋرەتكە تۇسىرۋگە مۇمكىندىك بەرەدى.

https://massaget.kz

Ключевые слова: الةم,
Наверх