Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

ەلوردا تۇرعىندارى كوروناۆيرۋستى قانداي ورىنداردا جۇقتىرادى

30 Июля 2021 21:47

نۇر- سۇلتان. قازاقپارات - ەلوردانىڭ سانيتارلىق- ەپيدەميولوگيالىق باقىلاۋ دەپارتامەنتى تۇرعىندار كوروناۆيرۋس جۇقتىراتىن نەگىزگى ورىنداردى اتادى، دەپ حابارلايدى قازاقپارات.

«قازىرگى ۋاقىتتا كوروناۆيرۋس جۇقتىراتىن نەگىزگى ورىندار - بازار، ساۋدا ۇيلەرى، قوعامدىق كولىك، مەيرامحانا، كافەلەر، جۇمىس ورىندارى جانە ساياباقتار مەن ادام كوپ جينالاتىن دەمالىس ورىندارى بولىپ وتىر. تالداۋ جۇمىستارى كورسەتكەندەي، بازارلاردا ۆيرۋس جۇقتىرۋ %8 دان 12%- عا، ساۋدا نىساندارىندا -%18 دان %23 عا، كەڭسەلەردە -%12 دان %17 عا، ساياباقتار مەن دەمالىس ايماقتارىندا -%14 دان %18 عا ارتقان. سونداي- اق ناۋقاستاردىڭ %0,8- ى بۇقارالىق ءىس- شارالارعا (ۇيلەنۋ تويى، جەرلەۋ ءراسىمى جانە ت. ب.) قاتىسقان»، - دەپ جازىلعان دەپارتامەنت جاۋابىندا. دەپارتامەنت كوپتەگەن تۇرعىنداردىڭ قاۋىپسىزدىك شارالارىن ءتيىستى دەڭگەيدە ساقتامايتىنىن اتاپ ءوتتى.

«ەسكەرتۋ مەن جازالاۋ شارالارىنا قاراماستان، كەيبىر ەلوردالىق مەكەمەلەر سانيتارلىق نورمالار مەن كارانتين تالاپتارىن ەسكەرمەي وتىر. كەيبىر كاسىپكەرلىك نىساندارى ەسىكتەرىن جاۋىپ الىپ، جاسىرىن جۇمىس ىستەپ جاتىر»، - دەيدى دەپارتامەنت.

ايتا كەتەيىك، كوروناۆيرۋس جاعدايىن ورتاشا تاۋلىكتىك تىركەۋ ماۋسىم ايىندا 340 بولسا، شىلدە ايىندا 1500 گە دەيىن ءوستى. سوڭعى 16 كۇندە تاۋلىگىنە 1500 دەن استام جاعداي تىركەلۋدە.


Ключевые слова: قوعام,
Наверх