Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

ەرتەڭ - ءبىرىنشى سىنىپقا قۇجات قابىلداۋدىڭ سوڭعى كۇنى

30 Июля 2021 20:02

نۇر- سۇلتان. قازاقپارات - بۇگىنگى تاڭدا ءبىرىنشى سىنىپقا قابىلداۋ ءۇشىن 325 مىڭنان استام ءوتىنىش ءتۇستى. قۇجات قابىلداۋ 1-ساۋىردە باستالىپ، 1-تامىزعا دەيىن جالعاسادى، دەپ حابارلايدى قازاقپارات.

«اتا- انالارعا ە رتەڭ قۇجات قابىلداۋدىڭ سوڭعى كۇنى ەكەندىگىن ە نازار اۋدارۋدى سۇرايمىز . بۇل مەرزىم بولاشاق وقۋشىلاردىڭ اتا- انالارى مەكتەپتى الدىن الا انىقتاپ، قاجەت قۇجاتتاردى ۋاقىتىلى تاپسىرىپ، بالالاردى وقۋ قۇرالدارىمەن قامتاماسىز ەتۋى ءۇشىن بەرىلدى» دەپ ەسكەرتەدى ءبىلىم جانە عىلىم مينيسترلىگى.

ال مەكتەپ اكىمشىلىگى سىنىپتاردى الدىن الا جيناقتاۋ، وقۋلىقتاردىڭ قاجەتتى كولەمىن ساتىپ الۋ، مۇعالىمدەر اراسىندا ساعاتتاردى ءبولۋ جانە سىنىپتار سانىنا بايلانىستى پەداگوگتەر قۇرامىن انىقتاۋ جۇمىسىن اتقارادى. وسىعان بايلانىستى مينيسترلىك وتىنىشتەردى ۋاقىتىلى بەرۋدىڭ ماڭىزىن ەسكە سالادى.

«قۇجات قابىلداۋ 4 ايعا سوزىلادى. بۇل اتا- انالارعا دا، مەكتەپ اكىمشىلىكتەرىنە دە وقۋ پروتسەسىنە دايىندىقتى الدىن الا ويلاستىرۋعا مۇمكىندىك بەرەدى. سونداي- اق 10-تامىزدان كەيىن مەكتەپتەردە دايىندىق توبى جۇمىسىن باستايدى، وعان اتا- انالاردىڭ قالاۋى بويىنشا مەكتەپكە دەيىنگى مەكەمەلەرگە بارماعان نەمەسە مەكتەپالدى دايارلىقتان وتپەگەن بالالار بارا الادى»، - دەپ اتاپ ءوتتى ق ر ب ع م مەكتەپكە دەيىنگى جانە ورتا ءبىلىم كوميتەتى ءتوراعاسىنىڭ ورىنباسارى جومارت قارامبايەۆ.

ءوتىنىش قابىلداۋ egov.kz ەلەكتروندىق ۇكىمەت پورتالى ارقىلى ەلەكتروندىق فورماتتا جۇرگىزىلەدى. مەكتەپكە قابىلداۋ ءۇشىن كەلەسى قۇجاتتاردى ۇسىنۋ قاجەت: بالانىڭ دەنساۋلىق جاعدايى تۋرالى قۇجاتتار (بالانىڭ دەنساۋلىق پاسپورتى №026/ۋ-3, №063/ۋ نىسانى بويىنشا مەديتسينالىق انىقتاما)؛

بالانىڭ كولەمى 3*4 سم تسيفرلىق فوتوسۋرەتى. ءوتىنىش 1 جۇمىس كۇنى ىشىندە قارالادى.

«قىزىل» ايماققا ەنگەن وڭىرلەردە تۇراتىن اتا- انالار مەديتسينالىق انىقتامانى وقۋ جىلىنىڭ باستالۋىنا دەيىن الا الادى.

Ключевые слова: قوعام,
Наверх