Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

اتىراۋداعى دۇكەندە ەلەكتروشوكەر زاڭسىز ساتىلعان - فوتو

27 Июля 2021 07:35

اتىراۋ. قازاقپارات - اتىراۋ پوليتسەيلەرى زاڭسىز ەلەكتر قارۋدى ساتقان دۇكەندى انىقتادى، دەپ حابارلايدى قازاقپارات.

وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، عالامتوردا جاريالانعان جارنامالارعا تالداۋ جۇرگىزىلگەن.

«اكىمشىلىك پوليتسيا باسقارماسىنىڭ ازاماتتىق جانە قىزمەتتىك قارۋ اينالىمىن باقىلاۋ توبى عالامتورداعى جارنامالاردى تالداۋ كەزىندە اتىراۋ قالاسىندا ورنالاسقان اڭشىلار مەن بالىقشىلار دۇكەنىندە ەلەكتروشوكەردى زاڭسىز ساتۋ دەرەگىن انىقتادى. زاڭسىز ساتىلىمنان 20 ەلەكتروشوكەر تاركىلەندى»، - دەپ حابارلادى دەپارتامەنتتىڭ باسپا ءسوز قىزمەتى.











قازىر زاڭدى تۇلعانى ق ر اكىمشىلىك قۇقىقبۇزۋشىلىق تۋرالى كودەكسىنىڭ 482-بابىمەن جاۋاپكەرشىلىككە تارتۋ ماسەلەسى قاراستىرىلىپ جاتىر.

ەسكە سالا كەتەلىك، بۇدان بۇرىن اتىراۋدا 29 جاستاعى جىگىت الەۋمەتتىك جەلى ارقىلى قارۋ ساتپاق بولعان.

اۆتور: جانات قاپالبايەۆا

Ключевые слова: قوعام,
Наверх