Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

وزبەكستان پرەزيدەنتىنىڭ سايلاۋى وتەدى

23 Июля 2021 15:31

تاشكەنت. قازاقپارات - بۇگىن، 23- شىلدەدە وزبەكستان رەسپۋبليكاسى ورتالىق سايلاۋ كوميسسياسىنىڭ كەزەكتى وتىرىسى ءوتتى. ول ۇلكەن ساياسي پروتسەستىڭ باستاماسى بولدى. وزبەكستان رەسپۋبليكاسى پرەزيدەنتىن سايلاۋ ناۋقانى باستالدى، دەپ حابارلايدى قازاقپارات ۋزا- عا سىلتەمە جاساپ.

ءىس- شاراعا ساياسي پارتيالاردىڭ جەتەكشىلەرى، ازاماتتىق قوعام ينستيتۋتتارى مەن بۇقارالىق اقپارات قۇرالدارىنىڭ وكىلدەرى قاتىستى. ورتالىق سايلاۋ كوميسسياسى وزبەكستان رەسپۋبليكاسى پرەزيدەنتىن سايلاۋ كۇنى رەتىندە 2021 -جىلعى 24 - قازاندى بەلگىلەدى. سايلاۋ ناۋقانى 23- شىلدەدە باستالادى دەپ جاريالاندى. پرەزيدەنت سايلاۋى وزبەكستان رەسپۋبليكاسى كونستيتۋتسياسىنىڭ 117-بابىنا وزگەرىستەر ەنگىزۋىنە بايلانىستى، اعىمداعى جىلدىڭ قازان ايىندا وتكىزىلەدى.

وزبەكستان رەسپۋبليكاسى ورتالىق سايلاۋ كوميسسياسىنىڭ ءتوراعاسى زاينيددين نيزامحودجايەۆ پرەزيدەنت سايلاۋى جاڭارتىلعان ۇلتتىق سايلاۋ زاڭناماسىنا، جالپىعا تانىلعان حالىقارالىق ستاندارتتارعا، دەموكراتيالىق پرينتسيپتەرگە، اشىقتىق پەن جاريالىلىققا سايكەس وتەتىنىن باسا ايتتى. الداعى سايلاۋلار 2017-2021 -جىلدارداعى وزبەكستان رەسپۋبليكاسىن دامىتۋدىڭ بەس باسىم باعىتى بويىنشا ءىس- قيمىل ستراتەگياسىندا كورسەتىلگەن دەموكراتيالىق يدەيالاردىڭ تاعى ءبىر جارقىن كورىنىسى بولادى.

2016 -جىلعى 4 - جەلتوقسانداعى پرەزيدەنتتىك سايلاۋدان كەيىنگى بەس جىل ىشىندە ادامداردا، ەل ومىرىندە، قوعامدا، ۇلتتىق سايلاۋ زاڭناماسىندا وراسان زور وزگەرىستەر بولدى. حالىقارالىق جەتەكشى ۇيىمدار مەن ساراپشىلار مويىنداعانداي، وسى كەزەڭدە رەسپۋبليكا ءومىرىنىڭ الەۋمەتتىك- ساياسي جانە ەكونوميكالىق سالالارىندا حالىقتىڭ ءال- اۋقاتىن جاقسارتۋعا باعىتتالعان باتىل رەفورمالار جۇزەگە اسىرىلدى.

وزبەكستان رەسپۋبليكاسى سايلاۋ كودەكسى نەگىزىندە وتكەن پرەزيدەنت سايلاۋى العاش رەت وزبەكستان رەسپۋبليكاسى پرەزيدەنتىنىڭ، ياعني مەملەكەت باسشىسىنىڭ سايلانۋىن كونستيتۋتسيالىق ەرەجەلەرگە سايكەس كەزەڭدىلىك نەگىزىندە قامتاماسىز ەتەدى. سونىمەن قاتار، ەلدەگى ساياسي پارتيالاردىڭ سانى بىرەۋگە كوبەيىپ، پارتياارالىق باسەكەلەستىك ايتارلىقتاي ءوستى. كەزدەسۋدە بارلىق ساياسي پارتيالار مەن ولاردىڭ كانديداتتارى ءۇشىن سايلاۋ ناۋقانى كەزىندە شىنايى باسەكەلەستىك ورتا مەن تەڭ جاعدايلار جاسالاتىندىعى باسا ايتىلدى.

ساياسي پارتيالاردىڭ، ازاماتتاردىڭ ءوزىن- ءوزى باسقارۋ ورگاندارىنىڭ، حالىقارالىق ۇيىمداردىڭ جانە شەت مەملەكەتتەردىڭ وكىلدەرى، جۋرناليستەر، ونىڭ ىشىندە شەتەلدىك جۋرناليستەر، مىڭداعان باقىلاۋشىلار پرەزيدەنتتىك سايلاۋعا دايىندىق پەن وتكىزۋ بارىسىن، ونىڭ ىشىندە داۋىس بەرۋ پروتسەسىن باقىلايدى. الداعى سايلاۋدى جوعارى ساياسي، قۇقىقتىق جانە ۇيىمداستىرۋشىلىق دەڭگەيدە وتكىزۋ ءۇشىن، ورتالىق سايلاۋ كوميسسياسى ۇستىمىزدەگى جىلدىڭ 14- ساۋىرىندە بەكىتكەن وزبەكستان رەسپۋبليكاسى پرەزيدەنتىن سايلاۋعا دايىندىق جونىندەگى نەگىزگى شارالار باعدارلاماسىنا سايكەس سەرىكتەس ۇيىمدارمەن بىرگە اۋقىمدى ىستەردى جۇزەگە اسىرۋدا. سوعان سايكەس، ماڭىزدى مىندەت - سايلاۋشىلار مەن سايلاۋ ۇيىمداستىرۋشىلارىنا پرەزيدەنت سايلاۋىنىڭ ماڭىزدىلىعى مەن ەرەكشەلىكتەرى، سايلاۋ كودەكسى، سايلاۋ زاڭناماسىنا ەنگىزىلگەن وزگەرىستەر مەن تولىقتىرۋلاردىڭ مازمۇنى تۋرالى حابارلاۋ. سايلاۋ ناۋقانى جاريالانعانعا دەيىنگى كەزەڭدە بولعان مۇنداي ءىس- شارالار ميلليونداعان ازاماتتاردى قامتىعانىن اتاپ وتكەن ءجون.

اۆتور: بەگابات ۇزاقوۆ

Ключевые слова: الةم,
Наверх