Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

فۋتبولدان ەۋروپا چەمپيوناتى: حورۆاتيا مەن چەحيا تەڭ ءتۇستى

19 Июня 2021 09:07

نۇر- سۇلتان. قازاقپارات - فۋتبولدان ەۋروپا چەمپيوناتىنىڭ فينالدىق ساتىسىنىڭ توپتىق كەزەڭى ەكىنشى تۋرىندا حورۆاتيا مەن چەحيا كەزدەستى، دەپ حابارلايدى قازاقپارات ءتىلشىسى.

ەسكە سالساق، اتالعان ەكى قۇراما ە توبىندا سىنعا تۇسەدى. قارسىلاستارى - انگليا مەن شوتلانديا. العاشقى تۋردا چەحيا شوتلانديادان 2:0 ەسەبىمەن باسىم تۇسسە، حورۆاتيا انگلياعا 0:1 ەسەبىمەن جول بەردى. ەكى قۇراما بۇعان دەيىن ءۇش مارتە كەزدەستى. ونىڭ بىرەۋىندە حورۆاتيالىقتار جەڭىسكە جەتسە، ەكى كەزدەسۋدە تەڭ ناتيجە تىركەلدى.

بۇگىنگى كەزدەسۋدە حورۆاتيالىق قۇرامانىڭ باسىمدىعى ايقىن اڭعارىلىپ تۇردى. دەسە دە العاشقى گولدى چەحيالىقتار سوقتى. ويىننىڭ 37-مينۋتىندا حورۆاتيا قاقپاسىنا بەلگىلەنگەن پەنالتيدى چەحيالىق پاتريك شيك ءمۇلت جىبەرگەن جوق.

ەكىنشى كەزەڭنىڭ 47-مينۋتىندا حورۆاتيالىق يۆان پەريشيچي تارازى باسىن تەڭەستىردى. بۇدان كەيىن تابلوداعى ەسەپكە وزگەرىس ەنگەن جوق. كەزدەسۋ 1:1 ەسەبىمەن تەڭ اياقتالدى.

بۇگىن اتالعان توپتا انگليا مەن شوتلانديا شەبەرلىك بايقاسادى. بۇل توپتاعى ءۇشىنشى تۋر ويىندارى 22 -ماۋسىمدا بولادى. بۇل كۇنى حورۆاتيا مەن شوتلانديا، چەحيا مەن انگليا قۇرامالارى كەزدەسەدى.

Ключевые слова: سپورت,
Наверх