Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

ۋ ە ف ا رونالدۋ وقيعاسىنان كەيىن باسپا ءسوز كونفەرەنسياسى ەرەجەسىن وزگەرتتى

18 Июня 2021 22:41

نۇر-سۇلتان. قازاقپارات - ەۋروپا فۋتبول قاۋىمداستىعى وداعى (UEFA) ەۋروپا چەمپيوناتى كەزىندە رەسمي باسپا ءسوز ءماسليحاتتارىندا فۋتبولشىلاردان دەمەۋشىلەردىڭ بوتەلكەلەرىنە قول تيگىزبەۋىن تالاپ ەتتى.

وسىلايشا، ۋ ە ف ا وكىلدەرى بارلىق تۋرنير قاتىسۋشىلارىنا دەمەۋشى كەلىسىمدەرى تۋرنيردىڭ جانە فۋتبولدى دامىتۋدىڭ اجىراماس بولىگى ەكەنىن ەسكە سالدى. ۇيىمداستىرۋشىلار كوماندا رەسمي مۇشەلەرىنە ويىنشىلاردىڭ دەمەۋشىلەر مەن ولاردىڭ ەۋروپالىق فۋتبولعا قوسقان ۇلەسىن قۇرمەتتەۋى كەرەك ەكەنىن ەسكەرتتى.

«دەمەۋشىلەردىڭ قارجىسى وسى تۋرنير مەن ەۋروپا فۋتبولى ءۇشىن ماڭىزدى»، - دەدى «ەۋرو-2020» تۋرنيرىنىڭ ديرەكتورى مارتين كاللەن.

كاللەن، سونىمەن بىرگە، ۋ ە ف ا ويىنشىلارعا باسپا ءسوز ءماسليحاتتارىنداعى ارەكەتتەرى ءۇشىن ايىپپۇل سالۋدى جوسپارلاپ وتىرعان جوق دەپ قوستى.




«دەمەۋشىلەرگە قاتىستى كەلىسىمشارت مىندەتتەمەلەرى ەۋرو ەرەجەلەرىنىڭ ءبىر بولىگى. ۋ ە ف ا ويىنشىلارعا تىكەلەي جازا قولدانۋدى كوزدەمەيدى»، - دەپ ءتۇسىندىردى كاللەن.

مۇنداي مالىمدەمەلەر باسپا ءسوز ءماسليحاتى كەزىندە ۇستەلدەن سۋسىنداردىڭ بوتەلكەلەرىن يتەرىپ نەمەسە الىپ تاستاعان فۋتبولشىلاردىڭ ارەكەتتەرىنە بايلانىستى پايدا بولدى.

ەسكە سالايىق، كريشتيانۋ رونالدۋ پورتۋگاليا مەن ۆەنگريا ماتچى الدىنداعى باسپا ءسوز ءماسليحاتىندا ۇستەلدەگى Coca-Cola بوتەلكەلەرىن شەتكە يتەرىپ، ونىڭ ورنىنا سۋ بوتەلكەسىن الىپ: «سۋ ىشكەن دەنساۋلىققا پايدالى» دەگەن بولاتىن.

رونالدۋ كولادان باس تارتقاننان كەيىن 30 مينۋت وتكەن سوڭ، ەۋرو-2020 دەمەۋشىسى بولعان Coca-Cola اكسيالارىنىڭ قۇنى 1,6 پايىزعا تومەندەگەن. كومپانيا قۇنىن 242 ميللياردتان 238 ميللياردقا دەيىن تومەندەتىپ، جالپى شىعىنى 4 ميلليارد دوللاردى قۇراعان.

الايدا ساراپشىلار بۇل وقيعالاردى ءبىر-بىرىمەن بايلانىستىرمايدى. ولار ءوندىرۋشىنىڭ اكسيالارى فۋتبولشىنىڭ باسپا ءسوز كونفەرەنسياسىنا ءۇش كۇن قالعاندا قۇلدىراي باستادى دەپ مالىمدەيدى.


Coca-Cola وكىلدەرى بۇل وقيعاعا قاتىستى ءالى تۇسىنىكتەمە بەرگەن جوق، ءبىراق بۇل جەلى قولدانۋشىلارىنىڭ اراسىندا شۋ تۋعىزدى.

قولدانۋشىلار رونالدۋدىڭ دۇرىس تاماقتانۋدى قولدايتىنىن جانە گازدالعان سۋسىندار وندىرۋشىلەرىنىڭ جارنامالىق ناۋقاندارىندا بۇرىن-سوڭدى بولماعانىن ايتتى. پورتۋگاليا كاپيتانى قانت قولدانبايدى جانە ديەتا ۇستايدى.

كەيىن رونالدۋدىڭ ارەكەتىن تاعى ەكى ويىنشى قايتالادى. فرانسۋز پول پوگبا ەۋرو-2020 نىڭ دەمەۋشىسى Heineken سىرا بوتەلكەسىن ۇستەلدىڭ ۇستىنەن الىپ تاستادى.


ودان كەيىن يتاليانىڭ جارتىلاي قورعاۋشىسى مانۋەل لوكاتەللي دا كوكا-كولا بوتەلكەلەرىن شەتكە ىسىرىپ، الدىنا سۋ قويعان.

massaget.kz

Ключевые слова: سپورت,
Наверх