Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

ۇرپاققا بەيبىت ءومىر سىيلاعان مايدانگەرلەرگە باسىمىزدى يەمىز - اسقار مامين

9 Мая 2021 09:15

نۇر-سۇلتان. قازاقپارات - ق ر پرەمەر-ءمينيسترى اسقار مامين وتانداستارىمىزدى جەڭىس كۇنىمەن قۇتتىقتادى.

بۇل تۋرالى ق ر ۇكىمەتىنىڭ رەسمي سايتى حابارلادى.

«قۇرمەتتى قازاقستاندىقتار، سىزدەردى ۇلى جەڭىس كۇنىمەن قۇتتىقتايمىن! بۇل - قازاقستان حالقى ءۇشىن اسا قاستەرلى مەرەكەلەردىڭ ءبىرى. بۇل كۇنى ءبىز قاسيەتتى وتانىمىزدى قاسىق قاندارى قالعانشا قورعاپ، كەيىنگى ۇرپاققا جارقىن بولاشاق پەن بەيبىت ءومىر سىيلاعان اكەلەرىمىزدىڭ، اتا-بابالارىمىزدىڭ باتىرلىعى مەن قايسارلىعىنا قۇرمەت كورسەتەمىز، جەڭىمپاز مايدانگەرلەر مەن تىل ەڭبەككەرلەرىنىڭ الدىندا شىنايى قۇرمەتپەن جانە ريزاشىلىقپەن باسىمىزدى يەمىز»، - دەلىنگەن قۇتتىقتاۋ حاتىندا.

سونداي-اق ۇكىمەت باسشىسى ەلىمىزدە ارداگەرلەر قاتارى سيرەپ بارا جاتقانىنا الاڭداۋشىلىق ءبىلدىردى.

«جىل سايىن ارداگەرلەرىمىزدىڭ قاتارى سيرەپ بارادى. ءبىزدىڭ پارىزىمىز - ولارعا بارىنشا كوڭىل ءبولىپ، قامقورلىق كورسەتۋ، قاھارمان باتىرلارىمىزدىڭ تاريحقا اينالعان ەرلىكتەرىن كەلەر ۇرپاققا جەتكىزۋ. ۇلى جەڭىستىڭ جاڭعىرىعى ءبىزدىڭ جۇرەگىمىزدە ماڭگى ساقتالادى»، - دەدى ول.

ءسوز سوڭىندا اسقار مامين قازاقستاننىڭ كوگىندە ءاردايىم بەيبىت كۇننىڭ جالاۋى جەلبىرەۋىن، ارداگەرلەرىمىزگە مىقتى دەنساۋلىق، ءورشىل رۋح، تۋعان-تۋىستارى مەن جاقىندارىنا باقىت، بالالارى مەن نەمەرەلەرىنە قۋانىش تىلەدى!

Ключевые слова: بيلئك جانة ساياسات,
Наверх