Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

قاسىم-جومارت توقايەۆ قازاقستاندىقتاردى جەڭىس كۇنىمەن قۇتتىقتادى

9 Мая 2021 08:00

نۇر-سۇلتان. قازاقپارات - ق ر پرەزيدەنتى قاسىم-جومارت توقايەۆ قازاقستاندىقتاردى جەڭىس كۇنىمەن قۇتتىقتادى.

بۇل تۋرالى اقوردانىڭ باسپا ءسوز قىزمەتى حابارلادى.

«قازاقپارات» ح ا ا وقىرمان نازارىنا قۇتتىقتاۋ ءماتىنىن ۇسىنادى.

مەملەكەت باسشىسى قاسىم-جومارت توقايەۆتىڭ جەڭىس كۇنىمەن قۇتتىقتاۋى

قىمباتتى وتانداستار!

بارشاڭىزدى ۇلى جەڭىس كۇنىمەن شىن جۇرەكتەن قۇتتىقتايمىن! بۇل مەيرام - بەيبىت ءومىرىمىز، ازاتتىعىمىز بەن جارقىن بولاشاعىمىز ءۇشىن فاشيست باسقىنشىلارىنا قارسى سۇراپىل سوعىستا جەڭىسكە جەتكەن باتىرلارىمىزدىڭ ەرلىگى مەن داڭقىنىڭ سيمۆولى.

ۇلى وتان سوعىسى مايدانىنا ميلليوننان استام قازاقستاندىق اتتانىپ، ولاردىڭ تەڭ جارتىسى جەڭىس جولىندا قازا تاپتى. ادامزات تاريحىندا تەڭدەسسىز ەرلىك جاساعان اكەلەرىمىز بەن انالارىمىزدىڭ قاجىماس قايسارلىعى، ەرەن ەڭبەگى جانە كوزسىز قاھارماندىعى حالقىمىزدىڭ جادىندا ماڭگى ساقتالادى.

بيىلعى جەڭىس كۇنىن بىزبەن بىرگە 665 مايدانگەر مەن 100 مىڭعا جۋىق تىل ەڭبەككەرى قارسى الۋدا.

ولاردىڭ ەشقايسىسى مەملەكەتتىڭ قولداۋى مەن قامقورلىعىنان، قوعامنىڭ سىي-قۇرمەتىنەن تىس قالمايدى.

سوعىس جانە تىل ارداگەرلەرىنە، بارشا قازاقستاندىقتارعا بەيبىت تىرشىلىك، زور دەنساۋلىق، باق-بەرەكە تىلەيمىن!

جەڭىس كۇنى قۇتتى بولسىن!

Ключевые слова: بيلئك جانة ساياسات,
Наверх