Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

ۋاقىت ۇنەمدەي بىلەمىز بە؟

26 Октября 2021 14:40

نۇر-سۇلتان. قازاقپارات - «ادام ەكى نارسەنىڭ قادىرىنە جەتە بەرمەيدى. ونىڭ ءبىرىنشىسى - دەنساۋلىق بولسا، ەكىنشىسى - ۋاقىت» دەگەن ەكەن بۇرىنعىلار.

راسىندا ءبىز قايدا جۇتىلىپ بارامىز؟ كۇندەلىكتى 24 ساعاتىمىزدىڭ ءوزىن كەيدە قايدا كەتكەنىن، قالاي ءوتىپ كەتكەنىن بىلمەي قالامىز. ۋاقىت قۇم سەكىلدى.. . ۋاقىت سۋ سەكىلدى... ايتەۋىر ءوتىپ جاتقان ۋاقىتىمىزعا قاراپ ءماز بولامىز. ۋاقىت دۇرىس دۇنيەگە جۇمسالىپ جاتىر ما؟ سوعان ءمان بەرگەنىمىز ءجون بولار. ويعا العان ءبىر جۇمىسىڭىزدى ءبىتىرۋ ءۇشىن سىزگە ۋاقىت جەتپەي مە؟ نە ءۇشىن ۇلگەرمەيسىز؟ سەبەبىنە ءۇڭىلىپ كوردىڭىز بە؟ ەندەشە، ءبىز سىزگە ۋاقىت ۇنەمدەۋ جايلى بىرنەشە كەڭەس بەرەيىك.

1. مىندەتتى تۇردە ءبىتىرۋ كەرەك جۇمىستارىڭىزدىڭ ءتىزىمىن جاساڭىز.

2. ءار ءىسىڭىزدىڭ ءتىزىمىن جاساعان سوڭ، كۇندە كەشكە قايسىسى ورىندالدى، قايسىسى ورىندالمادى، استىن سىزىپ وتىرىڭىز.

3. ءسىز ءۇشىن قاي ءىس ماڭىزدىراق، قاي ءىس تىعىز ەكەنىن اجىراتا ءبىلىڭىز.

4. جاساۋىڭىز كەرەك ءىس ءتىزىمىن ۇنەمى وزىڭىزبەن بىرگە الىپ ءجۇرىڭىز.

5. جۇمىس ۋاقىتىندا ءاردايىم قيىن جۇمىستى ەڭ ءبىرىنشى بىتىرۋگە تىرىسىڭىز.

6. ەگەر الدەقانداي ىسىڭىزگە 5 مينۋتتان از ۋاقىت جۇمسايتىن بولساڭىز، ونى قازىر جاساڭىز. ال، ەگەر ودان كوپ ۋاقىت كەتسە، تىزىمگە كىرگىزىپ قويىڭىز.

7. ەلەكتروندى پوشتاڭىزدى كۇندەگىسىن كۇندە تەكسەرىپ وتىرۋدى داعدىعا اينالدىرىڭىز.

8. كۇنىڭىزدى بىرنەشە بولىككە ءبولىڭىز. قايسىسىن تولىعىمەن بىتىرەسىز، قايسىسىن جارتىلاي بىتىرەسىز. سول جاعىن ويلاستىرىپ الىڭىز.

9. ءار ءىستىڭ ءوز ۋاقىتى بولۋى شارت. مىسالى، مىنا ءىستى وسى ۋاقىت ارالىعىندا ءبىتىرۋىم كەرەك دەسەڭىز، سول ۋاقىتقا دەيىن ءبىتىرۋدى جوسپارلاڭىز. ەگەر، بىتپەي قالسا، وندا ءارى قاراي ءىسىڭىز وڭعا باسپاۋى بەك مۇمكىن.

10. كۇندەلىكتى اتقارۋ قاجەت جۇمىستارىڭىز قيىنداي تۇسسە نەمەسە كوبەيە تۇسسە، قايسىسىن تەز ءارى تولىق ورىنداي الاسىز، سوعان كىشىگىرىم تالداۋ (اناليز) جاساڭىز.

11. التىن ۋاقىتىڭىزدى باعالاڭىز. ۋاقىتتى دۇرىس پايدالانا بىلمەيتىندەرمەن قارىم- قاتىناس جاساۋدان الشاقتاعانىڭىز دۇرىس.

12. "جوق" دەپ ايتۋ كەرەك بولعان جاعدايدا ءارقاشان "جوق" دەپ ايتىڭىز.

13. ويعا العان ءىسىڭىزدى ناقتى ءبىر مەجەلى كۇنگە دەيىن اياقتاۋدى ۇيرەنىڭىز.

14. ءوزىڭىزدىڭ جۇمىس ورنىڭىزدى سايلاڭىز.

15. جۇمىس ىستەۋ قارقىنىڭىزدى بايقاۋ ءۇشىن مەيلىنشە قيىن جۇمىستاردى جاساڭىز. سوندا ءسىزدىڭ ءىستى قانشالىقتى تەز، قانشالىقتى باياۋ اتقاراتىنىڭىز انىقتالادى.

Massaget.kz


Ключевые слова: قوعام,
Наверх