Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

ماماندار ۇسىنعان پايدالى ادەتتەر

26 Июля 2021 15:54

نۇر- سۇلتان. قازاقپارات - ءبىر كۇننىڭ قىزىعى مەن شىجىعى كوزدى اشىپ جۇمعانشا ارتتا قالادى. كۇن قانشالىقتى قيىن دا، قارقىندى بولعانىمەن ايتەۋىر كەش باتپاي قويمايدى. كەشقۇرىم جۇمىستان شارشاپ كەلگەندە سان ساققا جۇگىرگەن ويىڭىزدى جيناقتاۋ مۇمكىن بولمايدى.

ادام ميى دەمالىس پەن ازداعان ماسساجدى قاجەت ەتەدى، ايتسە دە قاجەتتى جۇمىستاردى ەستەن شىعارىپ الىپ جاتامىز، دەپ جازادى confederation.kz.

جادىمىز ساقتاۋعا قاۋقارسىز بولسا، وندا قالىپتاسقان داعدى بار. داعدى دەگەنىمىز - ەكىنشى بولمىس. بىرنەشە پايدالى داعدىنى شىڭداي تۇسسەڭ، الداعى عۇمىرىڭ دا جارقىن، قىمبات ءارى ەداۋىر جاقسارماق. كەشكە ورىن الاتىن داعدىلارعا توقتالساق: ۇيىقتار الدىندا نەنى ادەتكە اينالدىرۋ كەرەك؟

1. ءسوزسىز اياق- كيىمدى جۋىپ، تيىسىنشە، كەپتىرىپ قويىڭىز. جاقسى كۇتىم اياق- كيىمىڭىزدىڭ ۇزاق ساقتالۋى مەن ونى ساتىپ الۋدا اقشاڭىزدى ۇنەمدەۋگە كومەكتەسەدى. ءسىزدىڭ اياعىڭىزدا ساپالى ءارى قۇرعاق اياق- كيىم بولعانى ماڭىزدى. ال جاقسى اياق- كيىمنىڭ دە باعاسى ءماز ەمەس، ەگەر كۇتە بىلسەڭىز 5-6 جىلعا دەيىن كيۋگە بولادى. ادەتتە، ءبىز اياق- كيىمدى كوشەگە شىعاردا تازالايمىز. ول دۇرىس ەمەس، اسىعىستىق ناتيجە بەرمەيدى. بىرىنشىدەن، اياق كيىم ءجوندى تازارمايدى، جاققان كرەم سىڭبەيدى، شالباردىڭ بالاعىن كىرلەتەدى. سول سەبەپتى اياق كيىمدى جۇمىستان كەلگەندە تازارتادى: شاڭىن كەتىرىپ، گۋتالين جاعادى دا، بىرەر مينۋتتان كەيىن شەتكالايدى. «دوس - باسقا، دۇشپان اياققا قارايتىنىن» ەستە ساقتاڭىز.

2. بەتىڭىز بەن اياعىڭىزدى مىندەتتى تۇردە جۋىڭىز. ارينە، دۋش نەمەسە ۆاننا قابىلداۋعا بولادى، بۇل ءسىزدىڭ ءوز ەركىڭىزدە. بۇل ءسىزدىڭ قىزمەتىڭىزگە بايلانىستى. ال اياقتىڭ ورنى بولەك. ونى ۇنەمى جۋىپ وتىرۋ كەرەك. ەگەر بەتىڭىزدە كوسمەتيكا بولسا ءسۇرتىڭىز، ونى پايدالانباعان جاعدايدا دا جۋعانىڭىز ارتىقتىق ەتپەيدى. اياقتى سالقىن سۋدا جۋۋ - ۇيقىڭىزدىڭ تىنىشتىعىنا، ىسىكتەردەن اۋلاق بولۋعا، يىستەن، تابان زەڭىنەن نەمەسە ءتۇرلى جاعىمسىز «تابان اۋرۋلارىنان» قۇتىلۋدىڭ باستى كەپىلى.

3. ءتىسىڭىزدى تازالاڭىز. «ءتىستى تازالاۋ - تاڭعى ءراسىم» دەيتىن قاعيدا قالىپتاسقان بارشادا. ءتىستىڭ ساۋلىعى - بۇكىل اعزانىڭ ساۋلىعىن رەتتەيتىن قوزعاۋشى كۇش. ەگەر جۇيكە تورشالارىن قالپىنا كەلتىرۋ كۋرستارى بولماسا، تىسكە قاتىستى قيىندىقتاردى ەستەن وڭاي شىعارىپ جاتامىز. ارينە، زاماۋاني ستوماتولوگيا عاجايىپ جاساعاندى جاقسى كورەدى. ءبىراق ءتىستى تازالاۋدى داعدىعا اينالدىرساڭىز، ءتىس دارىگەرىنە ارتىق شىعىندالمايسىز.

4. تۇنگى ۇيقى الدىندا ايران ءىشىڭىز. ءبىتتى. ءسىزدىڭ ىشەك- قارىن جولدارىڭىز وسى ارەكەتىڭىزگە «راحمەتىن ايتادى». ەگەر سوڭعى تاماقتانۋىڭىز ءۇش ساعات بۇرىن بولسا، تىپتەن جاقسى. تەك ايران عانا، وزىڭىزگە عانا ەمەس، بالالارىڭىزبەن دە ءبولىسىڭىز. ال ايران بولماسا شە؟ وندا ءبىر ستاقان سۋ ءىشىڭىز. تازا، قاراپايىم سۋ بولعانىمەن اسەرى تومەن، ايتسە دە ۋاقىت وتە كەلە جەمىسىن بەرەدى.

5. وتباسىڭىزدىڭ ءاربىر مۇشەسىن ءسۇيىپ شىعىڭىز. بۇل وتباسىنداعى جىلىلىقتى ارتتىرادى.


Ключевые слова: قوعام,
Наверх