Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

پرەزيدەنتتىك جاستار كادر رەزەرۆىنە ىرىكتەۋدىڭ 5- كەزەڭى باستالدى

3 Декабря 2021 22:11

نۇر-سۇلتان. قازاقپارات - مەملەكەتتىك قىزمەت ىستەرى اگەنتتىگى پرەزيدەنتتىك جاستار كادر رەزەرۆىنە ىرىكتەۋدىڭ بەسىنشى كەزەڭى - ساراپشىلىق كوميسسيادا اڭگىمەلەسۋ كەزەڭى باستالدى، دەپ حابارلايدى قازاقپارات ۆەدومستۆونىڭ باسپا ءسوز حاتشىسى ەرحان تاتكەنگە سىلتەمە جاساپ.

«ساراپشىلىق كوميسسيادا اڭگىمەلەسۋ» كەزەڭىنە «قۇزىرەتتەردى باعالاۋ» كەزەڭىنىڭ قۇزىرەتتەر بويىنشا سۇحبات ءبولىمىنىڭ قورىتىندىلارى نەگىزىندە ەڭ جاقسى ناتيجە كورسەتكەن 100 ادام جىبەرىلدى. اڭگىمەلەسۋ كەزەڭى 3-10- جەلتوقسان ارالىعىندا ق ر مەملەكەتتىك قىزمەت ىستەرى اگەنتتىگىندە وفلاين فورماتتا وتەدى. كوميسسياسىنىڭ مۇشەلەرىنە كانديداتتاردىڭ تەرەڭ سۇحباتىنىڭ ناتيجەلەرى بويىنشا قىسقاشا ەسەپتەر ۇسىنىلادى»، دەپ جازدى ەرحان تاتكەن Facebook - تەگى پاراقشاسىندا.

كوميسسيا قۇرامىنا مەملەكەتتىك ورگاندار مەن ق ر پرەزيدەنتى اكىمشىلىگىنىڭ قۇرىلىمدىق بولىمشەلەرىنىڭ باسشىلارى كىردى.

كوميسسيا وتىرىسىنا بايقاۋشىلار رەتىندە قوعام جانە ب ا ق وكىلدەرى شاقىرىلدى.

«ساراپشىلىق كوميسسيا وتىرىسىنىڭ قورىتىندىسى بويىنشا 65 كانديداتتان اسپايتىن ءتىزىم جاسالادى، ولار ۇلتتىق كوميسسيا وتىرىسىنىڭ قاراۋىنا ۇسىنىلادى. ىرىكتەۋ قورىتىندىسى بويىنشا 50 كانديدات رەزەرۆكە ەنگىزىلەدى. پرەزيدەنتتىك جاستار كادر رەزەرۆىنىڭ ماقساتى - قوعامدىق جانە مەملەكەتتىك مۇددەلەردى باسشىلىققا الاتىن جاس تالانتتاردى انىقتاۋ»، - دەدى باسپا ءسوز حاتشىسى.

Ключевые слова: بيلئك جانة ساياسات,
Наверх