Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

كۇندە جۋىنعان دۇرىس پا؟

4 Декабря 2021 11:22

نۇر- سۇلتان. قازاقپارات - ادامداردىڭ دەنى مونشاعا بارادى دەسەك تە، كۇندەلىكتى دۋشقا تۇسەتىندەردىڭ سانى ودان دا كوپ. الايدا كۇنارا بولسا دا دۋشقا ءتۇسۋدىڭ پايداسى بار ما؟ الدە زيانى باسىم با؟

كوپتەگەن ادامدار ۇيقىسىنان تولىق ويانىپ، تەز سەرگۋ ءۇشىن تاڭەرتەڭ ىستىق دۋشقا ءتۇسۋدى ادەتكە اينالدىرعان. بۇل شىنىندا دا ۇيقى اشۋعا ادەمى ءتاسىل. ءبىراق «The Daily Mail» ورتالىعى جۇرگىزگەن زەرتتەۋلەر ناتيجەسىندە ماماندار مۇنىڭ پايداسىنان گورى زيانى باسىمدىعىن دالەلدەگەن.

كاليفورنيا ۋنيۆەرسيتەتى مەديتسينا مەكتەبىنىڭ دەرماتولوگتارى جۇرگىزگەن زەرتتەۋلەر قورىتىندىسىندا ۇنەمى سابىنمەن جۋىنۋ ادام تەرىسىندە قالىپتاسقان تابيعي جاعدايدى بۇزاتىنىن كورسەتكەن. پايدالى ميكروبتار سابىندى سۋ ارقىلى تەرىدەن كەتكەن سوڭ اۋرۋ تۋدىراتىن ميكروبتار ءورشۋى ابدەن مۇمكىن.

ۇلى بريتانياداعى ماريا حانشايىم ۋنيۆەرسيتەتىنىڭ مەديتسينا جانە ستوماتولوگيا مەكتەبىنىڭ پروفەسسورى دجون وكسفوردتىڭ ايتۋىنشا سابىنمەن جۋىنۋ پايدالى ميكروبتاردى جويۋمەن قاتار تەرىنىڭ تابيعي مايىن دا شايىپ كەتەدى. سونىڭ سالدارىنان تەرى قۇرعاپ، جارىلىپ، قىشىما پايدا بولادى.

ال، دەرماتولوگ اندجالي ماحتو دۋشقا 20 مينۋتتان ارتىق جۋىنۋ تەك زيان ەكەندىگىن ەسكەرتەدى. سوندىقتان جۋىنىپ بولىسىمەن تەرىنى جۇمسارتاتىن ماي جاعۋ قاجەت. جالپى دۋشقا اپتاسىنا ەكى رەت تۇسسە جەتەدى. ءوزىمىزدى ادەمى، تازا ۇستاۋعا ۇمتىلىپ ءجۇرىپ تەرىنىڭ جۇقپالى دەرتى نەدەن تۋىندايتىنىنا ءمان بەرمەيدى ەكەنبىز.

قازىر باكتەرياعا قارسى نەمەسە دۋشقا ارنالعان مايلى قوسپالاردى كوپ پايدالانامىز. ول مىندەتتى تۇردە ادامنىڭ يممۋنيتەتىنە اسەر ەتەدى. وسىلايشا ادامنىڭ دەنساۋلىعىنا كەرى اسەر ەتەتىن نارسە دەنەدەگى كىردەن بۇرىن كۇندە پايدالى باكتەريانى جۋىپ تاستاۋدان باستالادى. اسىرەسە باستى ىستىق سۋمەن جۋۋ قاتەرلى كورىنەدى. سونىمەن قاتار شاشتى قاتتى ىسقىلاپ، ۇزاق جۋۋدىڭ دا زيانى بار.

«ايقىن»


Ключевые слова: قوعام,
Наверх