Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Алматыдан Нұр-Сұлтанға ұшып шыққан әуе кемесі әуежайға қайта оралды

17 Октября 2021 20:03

АЛМАТЫ. ҚазАқпарат – «Алматы — Нұр-Сұлтан» рейсін орындап жатқан ұшақ техникалық ақауға байланысты ұшу орнына қайта оралды, деп хабарлайды ҚазАқпарат «Air Astana» әуекомпаниясының баспасөз қызметіне сілтеме жасап.

«Air Astana әуекомпаниясының Embraer 190 Е2 ұшағын отырғызу штаттық режимде өтті.

Ұшақ ауыстырылғаннан кейін жолаушылар сағат 21:50-де елордаға қайта аттанады.

Қайтару себебі командир мен екінші ұшқыштың жол жылдамдығы индикаторы көрсеткіштерінің сәйкес келмеуі болды.

Техникалық жұмыстар жүргізілуде. Ұшу алдында ұшақ барлық қажетті тексерулерден өтті», - делінген хабарламада.

Аталған әуекомпанияның мәліметінше, Embraer 190 Е2 ұшақтары Қазақстан бойынша және көрші елдерге қатынайды. Алдыңғы Embraer 190 моделі флоттан шығарылды.

Автор Әли Ибраев
Ключевые слова: Аймақ, Оқиға, Төтенше оқиғалар, апаттар, Ұшақ, Алматы,
Наверх