Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Алматыда пәтер тонаған әккі ұры ұсталды

15 Октября 2021 23:21

АЛМАТЫ. ҚазАқпарат - Алматыда пәтерлерді тонаған сериялық «ұры» ұсталды, деп хабарлайды ҚазАқпарат тілшісі.

Алмалы аудандық полиция Басқармасының мәліметінше, 34 жастағы ер адам пластикалық терезені қысу арқылы пәтерлерге кіріп, көбінесе әшекей бұйымдар мен ақшаны алып кеткен.

«Ұры тұрғын үйге күндіз, үй иелері жұмыста болған кезде кірді. Қазір ол ұсталды. Қазіргі уақытта оның осыған ұқсас төрт қылмысқа қатысқандығы дәлелденді. Күдікті өз ісін мойындады. Барлық фактілер бойынша қылмыстық істер ҚР ҚК-нің 188-бабы 3-бөліміне сәйкес қылмыстың негізі бойынша бір өндіріске біріктірілді. Күдіктіге қатысты ұстау түріндегі бұлтартпау шарасы қолданылды. Оның жеке басы қаланың барлық аудандарында осыған ұқсас қылмыстарға қатысы бар-жоғына тексеріледі», - деді Алмалы аудандық ПБ бастығының орынбасары Владимир Решетников.

Айта кетейік, күдікті соңғы ұрлығын қала орталығында жасаған. Келтірілген залал 1 миллион теңгені құрады.


Автор Думан Арғынгелді
Ключевые слова: Алматы, Қылмыспен күрес,
Наверх